البيتكوين .. العملة المجنونة اللى بـ 16 الف دولار كدا اتكلمنا على عمله البيتكوين وشرحنا العمله دى عباره عن ايه واستخداماتها ايه، واحب اقولك لو مكنتش استثمرت فلوسك فالبيتكوين فانت ضاع منك فرصه عظيمه لان سعر البيتكوين وصل انهارده ل 16 الف دولار ويوم ماكتبت المقال كان السعر 1200 دولار يعنى لو كنت استثمرت الف دولار كنت كسبت 15 الف دولار يعنى تقريبا ربع مليون جنيه مصرى !!! ايه دا الكلام دا بجد ,, اه فعلا بجد وده حقيقى وفيه ناس فعلا حققت ثروات من البيتكوين.
البيتكوين العملة المجنونة اللى بـ 16 الف دولار
طيب النهارده هنجاوب على كام سؤال كدا اكيد بيدور فى ذهنك.
ليه الزياده الكبيره فى سعر البيتكوين ؟
طبيعى زى اى حاجه بيكون عليها طلب بالتالى سعرها بيزيد وهو دا اللى خلى سعر البيتكوين يوصل سعرها 16 الف دولار ..
- Advertisement -
كذلك كل يوم بيكون في اعتراف من الشركات التجاريه او الدول بعمله البيتكوين بيخلى فيه ثقه اكتر من المستثمرين فى العمله وبالتالى بيكون الاتجاه لشرا البيتكوين ..
وكان النهارده قرار بيوت التداول للعقود الاجله بانها فتحت بيع البيتكوين ده اللى خلى الزياده الاكبر فى تاريخ العمله وحققت 18% زياده.
هل البيتكوين العملة المجنونة اللى بـ 16 الف دولار فقاعه و وهم ؟
فيه بعض خبراء الاقتصاد بيقولوا ان البيتكوين دى مجرد خدعه وهيجى وقت وسعرها هينزل جامد كذلك فى نفس الوقت فى خبراء اكتر بيردوا على الرأى دا ويقولو ان البيتكوين خلاص اصبحت عمله موجوده ومع اعتراف شركات كبيره زى مايكروسوفت وامازون وبتقبل الدفع بالبيتكوين اكيد قرارهم مش هيكون غير مدروس بالعكس هما شايفين ان البيتكوين هى عمله المستقبل.
ايه الدول و الشركات اللى اعترفت بالبيتكون ؟
المانيا حتى الان هيا الدوله الوحيده اللى اعترفت بشكل تام بالبيتكوين ..
- Advertisement -
كذلك الشركات وعلى رأسهم ” ديل , وامازون ومايكروسوفت ” وأيضا
Newegg، Overstock.com، Expedia، TigerDirect، Dish Network، Zynga، Time Inc، PrivateFly، Virgin Galactic، Dynamite Entertainment، Clearly Canadian، Sacramento Kings.
مشكله البيتكوين فى مصر ؟
عدم اعتراف مصر بيها هيخلى اى حد هيستثمر فى العمله هيخلى وجود البيتكوين معاك مش هتكون فقط غير للشرا اون لاين انما ماتقدرشى تحول البيتكوين دى لفلوس مصرى تقدر تودعهم فى بنكك المحلى , على الرغم من وجود بعض سماسره البيتكوين دلوقتى اللى ممكن يشتروا منك البيتكوين
على اى حال هنفضل نتابع سعر البيتكوين وهنشوف هيوصل لفين ! وانت فكر فى الموضوع وممكن تكون فرصه كويسه للاستثمار بس لازم تعرف ان برده فيها مخاطره .. يتبع
ممكن كمان تعرف ملخص قصة صعود البيتكوين من الصفر وده من خلال الفيديو ده :
كذلك ممكن تعرف أكتر عن عملة البيتكوين من خلال زيارة قسم :
وعشان تقدر تتعرف علي المزيد من الموضوعات الجديدة تابعنا علي صفحة الفيس بوك من هنا :
