” 5 كورسات مينفعش تبدأ مشروعك من غير متاخدهم ” كتير مننا بيبقي عنده افكار لمشاريع ممكن تنجح فعلاً لكن اصعب خطوة هي تنفيذ المشاريع دي علي ارض الواقع. لحسن الحظ في مهارات لو قدرت تتعلمها وتتنقها هتساعدك تحقق افكار ومشاريعك مهما كان مجالك وتخليك تقدر تنجح في اي مجال !
5 كورسات مينفعش تبدأ مشروعك من غير متاخدهم
الكورسات دي تقدر تتعلمها سواء اونلاين من خلال مواقع كتير علي الانترنت او تقدر تدرسها اوفلاين في اي مكان يناسبك.
- ريادة الاعمال.
- السيو SEO.
- التسويق الالكتروني.
- الـ Outsourcing.
- ثم الانتاجية Productivity.
ريادة الاعمال
بمجرد ما يبقي عندك فكرة قوية تستحق التنفيذ, هتحتاج مهارات رائد الاعمال علشان تنفذها.
انت مش مجرد بتبني مشروع علشان تبيعه بس, انت كمان بتحاول تبيع نفسك وتقنع الناس تستثمر فيك كرمز للمشروع ده !
وعشان تكون رائد اعمال ناجح لازم تكون قوي وتقدر تساعد نفسك انك تتخلص من الفشل ويفضل عندك شغف بحلمك. علشان كدا اي كورس هتاخده في ريادة الاعمال هيساعدك انك تبقي متحدث افضل وعندك حضور اقوي وتقدر تتكلم عن مشروعك بشكل افضل.
السيو SEO
تقريبًا احد اهم الحاجات الي لازم يكون عندك علم بيها وازاي تقدر تستخدمها صح هو الـسيو او تهئية محركات البحث.
وده هيساعدك ان اي حد يبحث عن خدماتك الي بتقدمها تكون انت من اوائل النتائج الي بتظهر في محركات البحث زي جوجل وبينج وازاي تقدر تستخدم خدمات جوجل الاعلانية ” جوجل ادوردز “.
التسويق الالكتروني Digital Marketing
السيو هو اول خطوة في طريق انك تشهر نفسك ومشروعك علي الانترنت, لكن اهم خطوة بعدها هو التسويق الصح لمشروعك بخطة تسويقية متكاملة.
عشان كدا لازم تدرس التسويق بشكل عام والتسويق الالكتروني بشكل خاص وتقدر من خلاله تحدد شخصية المشتري والسوق المستهدف وتحلل النتائج علشان تسوق لمشروعك صح.
الـ Outsourcing
بعد ما تخلص تسويق لفكرتك والمشروع يشتغل ويحقق دخل, لازم هتحتاج انك تستعين بناس تانية تساعدك بانك تحقق دخل اكبر.
وده بدراستك للاوت سورس بتقدر تستفاد اكتر من وقتك عن طريق انك بتخلي غيرك يخلص الشغل غير الضروري علشان تتفرغ انت لشغلك.
وفي نفس الوقت بدل ما تعين شخص علشان يقوم بمهمة معينة زي تصميم لوجو أو تحليل للسوق أو انه يبعت ايميلات. انت بتطلب من شركة اوت سورس هي الي تعملك الحاجات دي وبكدا بتوفر وقت اكتر وفلوس اكتر.
الانتاجية Productivity
اي مشروع بيبدأ في الدنيا بيحتاج انك تهتم جامد بيه وتحاول تنجز المهمات الي عليك في اسرع وقت. ولان الوقت محدود لازم تتعلم ازاي تزود انتاجك في نفس الوقت المتاح ليك. وده من خلال تنظيم وترتيب الاولويات وترتيب المهام الي عليك من اكبرها لاصغرها.
كمان ممكن تتعرف علي مواضيع ريادة الاعمال المتاحة بداخل قسم :
كذلك متنساش تتابعنا عبر صفحتنا علي الفيس بوك :
