5 أفلام لو شفتهم كانك خدت كورس تسويق، الافلام مش بس مصدر للترفيه دي كمان مصدر للالهام والمعرفة عشان كده جمعنالك بعض الأفلام اللي ممكن تتعلم منها التسويق وكمان تشوف ازاي تقدر تعرض أفكارك بأفضل الطرق.
5 أفلام في مجال التسويق
هنعرض ليك دلوقتي أسماء الافلام ونبذة مختصرة عن حكاية كل فيلم :
- The Greatest Movie Ever Sold
- Pirates of the Silicon Valley
- Thank You for Smoking
- The Corporation
- Inside job
The Greatest Movie Ever Sold
فيلم وثائقي كوميدي بيحاول فيه المخرج مورجان سبيرلوك يبين لينا ازاي العلامات التجارية بقت بتسيطر علي حياتنا في كل التفاصيل،
كذلك ازاي الشركات الكبيرة بتعلن عن منتجاتها في أفلام هوليود، بالاضافة كمان ان الفيلم بيعرض أسرار كتير في طرق التسويق، وايه اللي بيحصل في كواليس الافلام.
- Advertisement -
Pirates of the Silicon Valley
الفيلم بيحكي عن بدايات شركات Apple ، Microsoft وبداية الصراع بين بيل جيتس وستيف جوبز، الفيلم بجانب الافكار التسويقية اللي بيعرضها، بيقدم أفكار ملهمة لحياتك بشكل عام.
Thank You for Smoking
التدخين مضر للصحة لكن ده مش منع بطل الفيلم انه يقدم حلول تسويقية ودعائية تقدر تخلي المشاهد يقبل علي التدخين، فيلم كوميدي وبيطرح أسئلة كتيرة علي فكرة الاخلاق في التسويق.
- Advertisement -
The Corporation
فيلم موسوعي بمعني الكلمة بيشرحلنا ازاي شركات كبيرة صمدت في السوق ونجحت لأكتر من 100 سنة،
كذلك الفيلم فيه مقابلات حقيقية لرواد أعمال ومديرين أكبر الشركات في العالم، الفيلم كمان بيعرضلك المافيا الخفية وراء بيزنس رجال الأعمال في العالم، ببساطة هيخليك تفكر مرة و اتنين في اللي بتاكله وتلبسه وتقرأه !
Inside job
الفيلم ده فاز بالأوسكار سنة 2011 كأفضل فيلم وثائقي،
كذلك بيشرح ازاي الأزمة المالية العالمية حصلت في 2008، تداعيتها، وازاي شركات كبيرة قاومتها وتغلبت عليها،
الفيلم بردو بيشرح الـ dirty business المنتشر في العالم وشركات كبيرة كامن نتيجة لتفاقم الأزمة، وبيعرض حلول ممكن تفيد أي حد من رواد الأعمال.
ذو صلة:
- شروط موظف المبيعات اللى تشغله فى شركتك
- حاجات تخليك فايق فى شغلك طول اليوم
- إتعلم صياعة التسويق من الچوكر فى 5 خطوات
كذلك ممكن تعرف أكتر عن التسويق والمحاسبة وادارة الاعمال من خلال متابعتنا علي :
