تعالوا نتخيل سوا كده انك بتشتغل في وظيفة انت بتحبها، و مش مطلوب منك شهادة تخرج و لا 5 سنين خبرة و لا سن معين عشان تثبت انك جدير بالشغل ده، وانك ليك الحرية الكاملة فى اختيار الوقت اللى حابب تشتغل فية ! ومش مطالب انك تصحي فى وقت معين أو تروح فى وقت معين، لا وايه كمان انت اللي هتحدد اجازاتك و مرتبك $$ .. وترقي نفسك كمان وقت ما تحب، كل اللي فات ده بيتلخص في كلمة الـ Freelancing اللي هو العمل الحر.
10 نصايح عشان تبدأ بيزنس من البيت
يعنى حضرتك كـ فرد بتقدم خدمات لـ أفراد وشركات فى اى مكان فى العالم و انت قاعد فى مكانك، بس المهم انك تكون متقن الخدمة دي و حط تحت كلمة متقن 100 خط.
دة معناه انك هتقدم خدماتك Online، بمعني انك مش هتحتاج انك كبائع تقابل المشتري بشكل مباشر.
ودلوقتي هنعرفك علي 10 نصايح تهمك لو هتبدأ Home Based Business بيزنس من البيت | مشروع صغير من البيت.
10 نصايح لو حابب تبدأ شغلك الخاص من البيت
1– مهم جدا انك تحافظ علي ساعات عملك العاديه وتلتزم بيها.
2– كمان من الاساسيات ان يكون عندك رقم تليفون خاص بس بالشغل، كذلك الكمبيوتر والطابعة اللي بتستعملهم بس للشغل.
3– انك تحافظ علي مساحه العمل الخاصه بيك وما تخلطش بينها وبين حياتك الشخصيه.
4- وطبعا عشان تقيس النجاح اللي حققته خلال الفتره اللي فاتت وتحافظ علي الاهداف اللي حاططها وتنفذ قائمه مهامك، الأحد بالليل أو يوم الاثنين الصبح ابدأ في وضع خطة للأسبوع. وفي اخر المده اللي انت محددها لنفسك خد شويه وقت عشان تقيس التقدم اللي انت وصلتله خلال الفتره اللي فاتت.
5- دور علي مستقلين تانيين كأصدقاء ليك أو مدرب شخصي علشان يزودوك بردود افعالهم على أفكارك وتقدمك.
6- إذا كنت شغال مع فريق، فالمكالمات التليفونيه والبريد الإلكتروني هيكونوا وسائل دايمه للتواصل مع أعضاء الفريق.
7- مهم اوووي انك توثق شغلك وتتعلم كمان انك تعمل كده اوتوماتيك.
8– كل ما تلاقي فرصه كويسه انك تتطلب ردود افعال دايما من العملا والمديرين ده طبعا اذا كنت متاكد انك بتلبي احتياجاتهم دايما، اتاكد ان من غير اتصال يومي من الصعب قراءة الناس، وبيعاني معظم الناس من انهم يردوا بردود افعال السلبية. وفي نهايه المشروع الناس دي ممكن تتقبل الموضوع عادي على الرغم من أنها بتحس بخيبة أمل مع النتيجة، وخليك فاكر ان ردود الافعال المستمره بتساعدك تتجنب المشكلة دي.
9- خدلك فترات راحة منتظمة خلال يومك. خليك مبدع في الطريقه اللي هتسترخي بيها، شويه تأمل، وكوبايه قهوة، وخد وجبة خفيفة، على فترات، دي شويه امثله عن الطرق اللي ممكن تستعيد بيها نشاطك.
10– شئ اساسي انك تحط حدود واضحة للجيران، والأصحاب، والعيله كمان لازم الكل يعرف ان مكتبك خط احمر حتى ولو كنت في البيت فكل يوم لازم تشتغل، خلي عندك سياسة عدم انقطاع أو التوقف خلال ساعات العمل.
وبكده نكون اتكلمنا بالتفصيل عن الـ 10 نصايح اللي هتساعدك تبدأ البزنس الخاص بيك من البيت.
كمان اوعي تنسي تبص بصة كده علي قسم البينزس الخاص بينا واللي موجود فيه معلومات قيّمة هتفيدك وهتساعدك تطور من نفسك والبيزنس بتاعك كمان :
كذلك متاح متابعتنا عبر صفحة الفيس بوك الخاصة من خلال زيارة :
