لو انت مهتم تبدأ البيزنس الخاص بيك في شوية مفاهيم خاطئة وقرارات لازم تتجنبها، في المقال دا هنحاول نساعدك
بأننا نديك روشتة للتخلص من اكتر 10 أخطاء قاتلة لأى بيزنس خاص بيك، روشتة مختصرة لأهم أسباب فشل المشاريع الخاصة.
10 أخطاء قاتلة لأى بيزنس خاص بيك
ودلوقتي هنبدأ نعرض ليكم الأخطاء اللي ممكن تتدمر أي بيزنس كالاتي:
- تقديم منتج مفيش حد محتاجله.
- عدم تحديد جمهور مستهدف.
- عدم تفعيل البيع والتسويق.
- تجاهل وسائل التواصل الاجتماعي.
- كذلك الاهتمام بالقطاعات الهامشية.
- توظيف موظفين غير أَكْفَاء.
- المعاندة.
- عدم التأكد من تواجد الأموال الكفاية للاستمرار.
- كذلك موقع المشروع السئ.
- إعطاء نصف الجهد المستحق للمشروع.
تقديم منتج محدش محتاجه
أكثر سبب لفشل الشركات الناشئة هو عدم تقديمها لمنتج وخدمة بيحتاجها الناس.
عدم تحديد جمهور مستهدف
متتوقعش أبدا ان المنتج بتاعك مفيد لكل الناس، أنت محتاج تعمل دراسة للمنتج من وجهة نظر المستخدم عشان تقدر تحدد تحدد الفئة اللي أنت بتستهدفها أو بمعني أصح النا اللي هتشتري المنتج بتاعك.
- Advertisement -
عدم تفعيل البيع والتسويق بشكل صحيح
كتير شايف أن فكرة مشروعه عبقرية، وانها هاتبيع نفسها وتجبله الملايين، كذلك بينسوا ان أهم عامل في نجاح البيزنس هو التسويق الصح.
تجاهل السوشيال ميديا
طبعا مش محتاج اقولك اننا بقينا في عصر أصبحت فيه وسائل التواصل الاجتماعي هي الشغل الشاغل لمعظم الناس،
وده حتى لو كان منتجك مش بيتباع من خلال ال social media ، علي الأقل لازم تتواصل مع العملا بتوعك وتسمع رأيهم.
الاهتمام بالقطاعات الهامشية
كذلك كتير من أصحاب المشاريع الناشئة بيصب تركيزه ورأس ماله في موضوعات هامشية، مش ضرورية بالمرة، ويمكن تأجيلها، وبيفشل في أنه يهتم بالقطاعات الأساسية.
- Advertisement -
زي مثلًا أنه يهتم أحيانا بشكل وديكور المكاتب والشركة وأعداد الموظفين، وميهتمش بمواصفات المنتج اللي هيقدمه وجودته ومدى سرعة انتشاره في سوق العمل.
توظيف موظفين غير أكفّاء
كذلك الموظف الكفء والمجتهد هو سر نجاح المشروع، لازم تبعد عن التوظيف المرتبط بالوساطة والقرابة،
والأهم أن يكون التوظيف بناءًا على معايير واضحة وصريحة، وبعد اجتياز اختبارات ومقابلات شخصية بتحدد من خلالها ميول واهتمامات الشخص اللي هتوظفه.
المعاندة
كذلك مفيش شك ان التمسك بالرؤية والإصرار على تنفيذها حاجة مهمة، لكن الموضوع مش ميدالية ذهبية عايز تفوز بيها وخلاص،
لازم تبقي مرن مع السوق، مش تستمر في دعم فكرة فاشلة لمجرد انك شايفها صح، وخلي بالك في شعرة بسيطة بتفرق بين المعاندة والصبر.
عدم التأكد من وجود أموال كافية للاستمرار
الصرف بدون تخطيط سليم ممكن يخلي مشروعك يفشل حتي ولو بتبيع كويس،
ضروري تعمل خريطة تدفق نقدي موازية لخطة التنفيذ والبيع.
اختيار موقع سيء للمشروع
كذلك موقع المشروع من الأمور المهمة جدًا، ولازم تحدده وتختاره بعناية وده بعد دراسة الفئة المستهدفة من العملاء وتحديد الموقع المناسب لهم.
إعطاء نصف الجهد المستحق للمشروع
« نصف البال – نصف العقل – نصف القلب » :
أشهر الشركات الواعدة واللي فشلت، كان فشلها في الأغلب مش بسبب قرارات اخدتها؛ لكن بسبب قرارات ماتنفذتش، وده بسبب عدم التركيز التام.
لو عايز تتجنب فشل شركتك، حاول تتفرغ تماما للشركة الناشئة، عشان نص الجهد هايديك نص النتيجة.
ذو صلة:
- قواعد الفقر ال 15 التي يجب أن نتجنبها في هذه الحياة
- إزاى تحمي فلوسك لو الجنيه لبس العوامة ؟
- 10 نصايح عشان تبدأ بيزنس من البيت
تابعوا بردو اجدد موضوعاتنا عبر صفحة باش محاسب علي الفيس بوك :
