باش محاسبباش محاسب
    فيسبوك الانستغرام يوتيوب
    • ABOUT
    • TERMS OF USE
    • PRIVACY POLICY
    • Contact Us
    فيسبوك يوتيوب
    باش محاسبباش محاسب
    WhatsApp
    • الرئيسية
    • حسابات
    • تحليل مالي
    • اكسل

      تحليل البيانات باستخدام إكسل

      مايو 17, 2023

      أسعار الأسهم في الوقت الفعلي في Excel باستخدام Python

      مايو 17, 2023

      إزاي تقدر تعمل أرقام عشوائية في إكسل؟

      مايو 14, 2023

      20 سؤال عن Excel مهمين للمديرين لأي Interview 

      مايو 11, 2023

      ازاي تعمل مخططات Venn بالاكسل

      مايو 3, 2023
    • اقتصاد
    • تداول
    • بوكليت

      ملخص كتاب الأصول المشفرة – دليل المستثمر المبتكر للبيتكوين

      يونيو 5, 2023

      ملخص كتاب Millennial Money Makeover – كونور ريتشاردسون

      يونيو 4, 2023

      ملخص كتاب Masters of Scale – ريد هوفمان

      مايو 20, 2023

      ملخص كتاب The Wealthy Gardener – جون سوفوريك

      مايو 17, 2023

      ملخص كتاب Fooled By Randomness – نسيم نيكولاس

      مايو 16, 2023
    باش محاسبباش محاسب
    الرئيسية»بوكليت»ملخص كتاب Make Money Trading Options – مايكل سنسير
    بوكليت

    ملخص كتاب Make Money Trading Options – مايكل سنسير

    الكتاب دليل عملي عشان الناس اللي عايزة تكسب فلوس من خيارات التداول، وفيه استراتيجيات مُبسطة تساعدك تفهم السوق وتعمل تداول ذكي وتحقق أرباح كويسة.
    bash mohasbبواسطة bash mohasbمايو 8, 2023لا توجد تعليقات6 دقائق
    فيسبوك تويتر لينكدإن البريد الإلكتروني تيلقرام واتساب
    ملخص كتاب Make Money Trading Options - مايكل سنسير
    شاركها
    فيسبوك تويتر لينكدإن البريد الإلكتروني تيلقرام واتساب

    كتاب “Make Money Trading Options”، بيعلمك فن تداول خيارات الأسهم، وبيشرح الأخطاء اللي لازم تتجنبها وازاي تستخدم أدوات بسيطة زي استراتيجية الاختبار التجريبي وأدوات التداول الافتراضية عشان تحدد الأسهم اللي بتكون أكتر احتمالية للربح، عشان متضطرش تخمن فين تستثمر.

    أنا بفضل أجرب بالفلوس الورقية أحسن من إني أخاطر بخسارة فلوس حقيقية.

    مايكل سنسير

    عايز تتداول فى البورصة بس خايف تخسر فلوسك اللى تعبت فيها؟ ولا جربت تتعلم عن التداول فى البورصة بس بتحس ان الاستراتيجيات اللى بتلاقيها صعبة والرسم البياني بيعملك حالة من الارتباك؟ لو انت مبتدئ فى اللعبة، التداول فى البورصة بالخيارات ممكن يكون سريع وخطير ومخيف، بس ولو فيه طريقة تخليك تقلل خسايرك وتتعلم ازاي تفهم الاتجاهات بشكل أفضل؟

    في كتاب “Make Money Trading Options: Short-Term Strategies for Beginners”، الكاتب بيديك دليل شامل عن التداول فى البورصة بالخيارات للمبتدئين، هيساعدك تتجنب المشاكل الشائعة فى الأسهم وهيشارك معاك أدوات سهلة الاستخدام تقدر تبدأ بيها، مش هتكون مليونير فى يوم وليلة، بس هيعلمك طريقة كويسة تقدر تزود دخلك بشكل مستمر.

    إقرأ المزيد: ملخص كتاب The Snowball – السيرة الذاتية لـ”وارن بافيت”

    أهم تلات دروس من كتاب Make Money Trading Options

    ملخص كتاب Make Money Trading Options - مايكل سنسير
    • التداول فى البورصة بالخيارات ممكن يكون طريقة كويسة لتحقيق أرباح كبيرة، طالما فاهم مخاطرها.
    • تقدر تحدد الأسهم اللى هتجيب ليك الأرباح الأكبر باستخدام استراتيجية “Test Trading”.
    • استخدم قاعدة الخمس دقائق “Five-Minute Rule” عشان تدير المخاطر اللى بتيجى مع التداول بالخيارات.

    يلا بينا ندخل في تفاصيل ملخص الكتاب!

    الدرس الأول: التداول فى البورصة بالخيارات مشروع مربح جدًا، طالما عارف تقلل المخاطر

    تخيل إنك تقاعدت وأموال تقاعدك وصلت 150000 دولار، المشكلة الوحيدة إن في خطط كتيرة عايز تعملها دلوقتي وأنت متقاعد، زى السفر وسداد باقى قرض العقار اللى عندك، عرفت ساعتها إنك هتحتاج تزود دخلك. ده مكان التداول بالخيارات (Options Trading) بيدخل فى الموضوع، الخيارات اللى بتتداول فى البورصة هى نوع من الاتفاقيات (Options Contracts)، الاتفاقية دى بتديك الحق تشترى أو تبيع سهم بسعر معين فى المستقبل، بس بتقدر تشترى أو تبيع أو متشتريش ولا تبيع لو انت عاوز.

    في وقت إن الأسهم بتمثل جزء حقيقى من ملكية الشركة، الخيارات اللى بتتداول بتديك حق الرهان مع المستثمرين التانيين على اتجاه حركة سعر السهم، فبدل ما تدفع تمن السهم بالكامل، بتدفع سعر مقدم (Premium)، ده يعنى إنك مش محتاج رأس مال كبير عشان تبدأ، عشان انت تقدر تشترى عقد خيار بيتحكم في 100 سهم بسعر بيبدأ بفلوس قليلة.

    مثال توضيحي

    مثلا لو اشتريت عقد خيار على أمازون بسعر 10 دولار للسهم، والسعر ارتفع لـ 15 دولار، فهتقدر تشترى 100 سهم من أمازون بسعر الاتفاقية القديمة، ده يعنى لو بعتهم، فهتكسب 500 دولار أرباح، وعكس الحالة، لو انخفض السعر لدولار واحد، مش هتخسر غير المقدم بس، ده كويس صح؟ بس خلي بالك ان فيه حاجات كتير ممكن تحصل، فمش بننصح إنك تتداول من غير ما تكون فاهم الموضوع كويس، عشان تقدر تقلل المخاطر، ومش بس كده، فيه حاجات تانية كتير ممكن تحصل زي الخسارة الكبيرة والمفاجآت اللي مش متوقعة.

    في النهاية، خلي بالك عشان التداول بالخيارات مش بالضرورة الحل الأمثل لكل الناس في كل الأوقات.

    الدرس التاني: تقدر تكتشف الأسهم اللى هتجيبلك الأرباح الأكبر باستخدام استراتيجية Test Trading

    ملخص كتاب Make Money Trading Options - مايكل سنسير
    تقدر تكتشف الأسهم اللى هتجيبلك الأرباح الأكبر باستخدام استراتيجية Test Trading
    • الكاتب بيقول إن تداول الخيارات ممكن مقارنته برهان على الخيول، بتراهن على فرس بتفكر إنه هيفوز، ولو فعلا فاز هتاخد فلوس، ولو خسر، هتخسر فلوس الرهان، بس في فرق رهيب إنك تقدر تحط رهانك في أي وقت لما تكون عندك فكرة أوضح عن اتجاه السوق.
    • “Test Trading” استراتيجية تداول تجريبية، فيها أدوات تداول افتراضية بتختبر نظريات اتجاه الأسهم، التداول الافتراضي معروف كمان باسم “ورقي”، بيستخدم فلوس وهمية لتمارين البيع والشراء في الأسهم والخيارات، استخدام استراتيجية “الاختبار” وهي طريقة مجانية وآمنة لتدريبك على التداول، وعشان تبدأ هتحتاج تعمل حساب للاختبار، لو عندك وسيط محتمل إنه عنده منصة اختبار خاصة بيه، وكمان تقدر توصل لكتير منها مجانًا، لما تبدأ، لازم تعمل “قائمة المراقبة” الخاصة بيك، القايمة دي بتضم قايمة بالأسهم اللي بتراقبها كل يوم.
    • لو عايز تبدأ، ضيف SPY، QQQ، الداو جونز، والـ S&P 500 لقايمة المراقبة بتاعتك، بعدين تقدر تضيف أسهم فردية، يكون سعرها على الأقل 50 دولار وبتتداول بنشاط، وبتضم القايمة الكويسة شركات ناجحة زي Mastercard وTesla وNetflix، ولما تكون عندك قائمة المراقبة، ابدأ التداول، الأولوية ليك هي تحديد الأسهم الفايزة في المجموعة، راقب الأسهم اللي مش بتتماشى مع الاتجاه العام أو بتتغير في الاتجاه، وقريب هتبدأ تلاحظ الفايزين الحقيقيين في المجموعة وتكسب فكرة كويسة عن كل حاجة.

    الدرس التالت: استخدم قاعدة الخمس دقايق عشان تدير المخاطر اللى بتيجى مع التداول بالخيارات

    لما تحس إنك واثق من السهم اللي هيفوز، ده الوقت تشتري خيارات شراء في حساب الوساطة الخاص بيك الحقيقي، بس قبل ما تعمل كدا، الكاتب بيقترح إنك تعمل خطوة تانية اسمها قاعدة الخمس دقايق (Five-Minute Rule)، الخطوة دي هتساعدك تتأكد إن كل حاجة جاهزة.

    1. الخطوة الأولى: لو أنت مبتدئ، الأفضل إنك تحدد لنفسك خيار واحد أو اتنين في الوقت الواحد واللي مش تم بيعهم أو استخدامهم قبل كدا، وبعدين شوف التفاصيل الدقيقة اللي جاية مع الخيار، دور عن تاريخ الانتهاء وسعر التداول، دول ممكن تلاقيهم في سلسلة الخيارات، بتقدر تشوف كمية الخيارات اللي دخلتها في السوق.
    2. الخطوة التانية: هي إنك تشوف سعر العرض والطلب، السعر الأعلى اللي المشتري عاوز يدفعه، والأقل اللي البايع مستعد يقبله، لو لقيت إن فرق السعر بينهم كبير، يبقى خلي بالك ودور على سهم تاني، مش هيبقى سهل تحقق أرباح كويسة لو الفرق بين سعر العرض والطلب كبير جدًا.
    3. الخطوة التالتة: لازم تتأكد إنك بتحط أمر حد معين ومش أمر السوق، لو انت عامل أمر سوق في التجربة، ممكن تعمل كدا برا العالم الحقيقي، بس الأمر ده فيه مجازفة كتير، أمر الحد المعين بيسمحلك تحدد السعر اللي انت عاوز تشتري عليه، يكون بين السعر الأعلى والأقل اللي بتشوفهم في العرض والطلب.
    4. الخطوة الأخيرة: هي إنك تشوف الرسم البياني لآخر مرة عشان تتأكد إنك فاهم كل جزء في الصفقة، الحاجة الحلوة في النصيحة دي إنها بتاخد خمس دقايق بس، مش طويلة كتير إنك تفوت فرص السوق اللي ممكن تغير حياتك، وفي نفس الوقت ممكن توفر عليك كتير من المشاكل المالية.

    أخيرا

    الكتاب ده بيدينا نظرة على تجارة الخيارات وإزاي تقدر تحقق فلوس، الكاتب مايكل سنسير بيقدملك إستراتيجيات وأدوات تساعدك تتعلم وتفهم السوق بشكل أحسن، هو بيبسط المعلومات على قد ما يقدر، وبيوفرلك نصائح عملية عشان تقدر تقلل خسايرك وتزود من دخلك.

    في النهاية، الكتاب ده مش مجرد وعود، بس لازم تدخل تطبق اللي إتعلمته عشان تستفيد حقيقي، استخدم المعرفة اللي اكتسبتها وشوف إزاي تزود دخلك وتحقق أهدافك المالية، الحياة قصيرة ومحتاجين ناخد فرصنا ونستغلها، فمتكونش من الناس اللي بتقول “كنت هعمل كدا”، بالعكس خليك واحد من الناس اللي بتقول “عملت كدا وجبت فلوس!”

    مهم: ملخص كتاب I Will Teach You To Be Rich

    ملخص الكتاب كويس جدًا للراجل اللي عنده 58 سنة ومهوس بالاستثمار في الأسهم وعاوز يجرب طريقة جديدة، والطالب اللي في كلية الاقتصاد اللي عنده 20 سنة، وأي حد عايز ينوع استثمارته.

    شاركها. فيسبوك تويتر لينكدإن البريد الإلكتروني تيلقرام واتساب
    bash mohasb
    • موقع الويب

    المقالات ذات الصلة

    ملخص كتاب الأصول المشفرة – دليل المستثمر المبتكر للبيتكوين

    يونيو 5, 2023

    ملخص كتاب Millennial Money Makeover – كونور ريتشاردسون

    يونيو 4, 2023

    ملخص كتاب Masters of Scale – ريد هوفمان

    مايو 20, 2023
    اترك تعليقاً

    اترك تعليقاً إلغاء الرد

    فيسبوك تويتر الانستغرام يوتيوب واتساب تيلقرام
    • HOME
    • ABOUT
    • Contact Us
    العلامة التجارية وجميع الحقوق محفوظة © 2022 صمم بواسطة elsayed ghibaish

    اكتب كلمة البحث ثم اضغط على زر Enter