كتاب “Long Life Learning” بيتكلم عن نظام التعليم الموجود في العالم، وارتفاع نسبة التشغيل الآلي والتكنولوجيا، وتزايد العمر المتوقع للإنسان، وانخفاض قيمة الدرجات العلمية، مع التركيز على مستقبل العمل وضرورة التكيف معاه، التكنولوجيا غيرت طريقة حياتنا والأجهزة الذكية بقت جزء أساسي من حياتنا اليومية وبتقلل من مهامنا سواء في الشغل أو البيت، فيه ناس ممكن التشغيل الألي يكون نعمة ليه وبيساعدهم على الشغل بشكل أكتر كفاءة، وناس تانية شايفينه تهديد محتمل يخليهم من غير وظايف في المستقبل.
أثمن العمال دلوقتي وفي المستقبل هم اللي هيقدروا يجمعوا بين المهارات البشرية والتقنية، ويتكيفوا مع متطلبات الشغل اللي بتتغير.
ميشيل آر وايز
إقرأ المزيد: ملخص كتاب Get Good With Money – تيفاني أليش
بداية الملخص
في الحقيقة الأجهزة الذكية والتطور التكنولوجي سلاح ذو حدين، الناس والشركات لازم يتكيفوا بسرعة مع التغيرات التكنولوجية، واللي مش هيعمل كده هيبقي من غير وظيفة وهيتعرض لمشاكل مالية واجتماعية، الحل الوحيد إننا نغير نظام التعليم بتاعنا ونستعد للتكنولوجيا المتطورة دي، نظام التعليم الحالي بيمشينا على طريق الحياة القديمة، اللي فيها الجامعة والتخصص بيضمن لينا وظيفة واستقرار مالي، وإنك تكّون أسرة، وتلاقي نفسك بتجري في الدنيا على أكل عيشك وبس عشان تكفي احتياجاتك انت واسرتك.
بس الزمن بيتغير بشكل كلي، وعشان كده التعليم لازم يكون جزء مستمر من حياتنا، عشان المهارات لازم تتكيف مع التطورات الحديثة، وفوق كده لازم نستعد عشان نسد احتياجات الناس اللي متوقع متوسط أعمارها هيزيد. كتاب “Long Life Learning” لـ “ميشيل آر وايز” بيقدم رؤية كويسة للمواضيع دي وبيساعدنا نتقبل ونواجه التحديات اللي بتيجي مع التطورات التكنولوجية الجديدة.
أهم 3 دروس من كتاب Long Life Learning
- التركيز الرئيسي لصاحب الشغل لازم يكون على مواهب ومهارات موظفينه.
- التعليم والشغل مع بعضهم في نفس الوقت هي الطريقة الجديدة عشان تتعلم المهارات.
- العدالة والشفافية في التوظيف بتفيد كل الأطراف.
الدرس الأول: التركيز الرئيسي لصاحب الشغل لازم يكون على مواهب ومهارات موظفينه
كتير من الناس بيفكروا يستسلموا ويغيروا مسارهم المهني، وبما إن العمر المتوقع للانسان زاد، الناس بيبدأوا يفكروا في الحاجة دي في وسط حياتهم المهنية، بس في ناس بتواجه صعوبة في التغيير ده، عشان مبتقدرش تسيب شغلها على طول وتدور على طريق مهني تاني، على أي حال، العمال اللي فوق سن الخمسين مش هيعرفوا يغيروا طريقهم، وصناديق التقاعد وصندوق الضمان الاجتماعي مش اختيار آمن للتقاعد بسبب قلة الفلوس، بدل من كده هما بيحتاجوا تدريب حسب مهاراتهم وطلبات السوق عشان يتماشوا مع بيئة العمل دي.
والشركات لازم تدعم الناس اللي مش معاهم ميزانية للتعليم في بيئة العمل الجديدة، الشركات هتستثمر أكتر في البحث والتطوير وبرامج التدريب المُخصصة لكل عامل، وبكدا هتوفر فلوس في المدى البعيد بوجود قوى عاملة متكاملة وفعالة، وبرامج الذكاء الاصطناعي (AI) هتشكل المستقبل وهتسمح للأفراد إنهم يتبعوا اهتماماتهم ويطوروا مهاراتهم بناءًا عليها، الموظفين وأصحاب العمل لازم يركزوا على الطلب والعرض للمهارات المهمة اللي محتاجينها، وازاي يتعاملوا مع التحديات اللي بتيجي بالتدريب وتطوير المهارات.
الدرس التاني: التعليم والشغل مع بعضهم في نفس الوقت هي الطريقة الجديدة عشان تتعلم المهارات
“الاوتوميشن” جاي جاي، الناس اللي كانوا بيشتغلوا في وظايف معروفة أو في الوظايف اللي ممكن تتحل بالروبوتات لازم يتوقعوا الحاجة دي، بس هما ممكن يعملوا حاجة عشان يكونوا جزء من الانتقال ده بدل ما يتسابوا في الطريق، أول حاجة لازم يعملوها هي إنهم يتقبلوا الحاجات دي وميقاوموش التغييرات، الناس لازم يقبلوا التغيير اللي جاي ويعرفوا خياراتهم، مثلا لو العربيات اللي بتمشي بنفسها هتبقى مكان فني في المصنع، هيحتاجوا لحد يراقبها ويكون عنده المهارات اللازمة.
الطريقة الصح عشان تقرب من الموضوع ده هي إن الواحد يتعلم في وقت الشغل بمساعدة برامج تدريب مصممة مخصوص عشان تطور المهارات اللي نحتاجها، برامج التعليم هي حل كويس، وكمان مع مساعدة الواقع الافتراضي اللي عايشينه، المدربين ممكن يعرضوا للأفراد طريقة تدريب بالتطبيق العملي.
الدرس التالت: العدالة والشفافية في التوظيف بتفيد كل الأطراف
- الطريقة اللي بنستخدمها دلوقتي في اختيار الموظفين مش منظمة بشكل صحيح، بدل ما الشركات تدور علي الجودة بتدور على كميات كبيرة من طلبات التوظيف، وبيفحصوهم بسرعة من غير ما يعرفوا حقيقة المقدمين للوظيفة، النتيجة النهائية إن الناس اللي متقابلوش بيكون منهم مواهب كويسة، وبكدا السوق الوظيفي بيبقى فيه نقص كبير في العمالة القوية.
- مشكلة منتشرة بترتبط بتوقعات الوظيفة، كتير من أصحاب العمل بيعلنوا عن وظيفة للمستوى الأول وبيطلبوا خبرة في المجال، فبيوصلهم طلبات من المتقدمين اللي مش عارفين حاجة عن الوظيفة، النتيجة بتبقى محبطة للطرفين، والمشكلة الحقيقية بتكون في ظاهرة ارتفاع مصادر شهادات الخبرة، وبما إن أصحاب العمل بيدوروا على درجات تعليمية أعلى كمتطلب أساسي ومش مجرد ميزة إضافية في الـ CV، المتقدمين بيحسوا إنهم محتاجين يضيفوا مؤهلات أكتر في السيرة الذاتية عشان يظهروا عن أي حد تاني.
- في الحقيقة لازم سوق العمل يعتمد على التقييم التعليمي، واللي بيعتمد على امتحان عملي للمتقدم، المتقدمين للوظيفة قادرين إنهم يثبتوا قيمتهم من خلال اختبارات عملية، التقييمات دي ممكن تكون أحسن من الشهادات وتساعد في توافق الطرفين بشكل أفضل، كمان لازم المتقدمون للوظيفة وأصحاب العمل يتبنوا أنواع جديدة من السير الذاتية بتعتمد على المهارات اللي عندهم من مواقف معينة في حياتهم.
في نهاية ملخص Long Life Learning
الكتاب بيقارن بين الحال اللي احنا فيها دلوقتي في الشغل والمستقبل المتوقع من وجهة نظر متطورة تكنولوجيًا، والعلاقة بين أصحاب العمل والموظفين مش مستقرة، والتعليم اللي بناخده في المدارس مش بيجهزنا للسوق الوظيفي الألي، الملخص ده بيديك فكرة كويسة عن المستقبل وهتعرف من خلاله ازاي تستعد ليه كويس بدل ما تتفاجئ وتخسر وتلاقي نفسك قدام من غير وظيفة.
مهم: ملخص كتاب The Snowball – السيرة الذاتية لـ”وارن بافيت”
الملخص مناسب لأي حد مهتم بمستقبل الشغل زي رواد الأعمال اللي بيفكروا في المستقبل، أو الخريجين الجدد اللي عاوزين يدرسوا في مجالات مربحة، أو القيادات اللي بتحاول تطور بيئة عمل جديدة وتتكيف مع الاتجاهات التكنولوجية الجديدة.
