محاسبة

يعني ايه تحليل مالي ببساطة ؟ | وظيفته + مستويات تحليل البيانات

التحليل المالي من اهم الادوات اللي لازم اي حد عنده بيزنس أو عنده اهتمام انه يدخل في بيزنس او حتي يشتري سهم في شركة انه يستخدمها، عشان كده هنعرفكوا النهارده علي ” يعني ايه تحليل مالي ببساطة ؟ “.

يعني ايه تحليل مالي ببساطة

هنبدأ دلوقتي في اننا نتعرف علي :

  • يعني ايه تحليل مالي ؟
  • ثم ظيفته.
  • ومين هم مستخدمينه.
  • فوائد التحليل المالي.
  • ثم مستويات تحليل البيانات.

يعني ايه تحليل مالي ببساطة ؟

التحليل المالي علشان يبقى مقبول وليه لازمة وما نستخدمش الجمله السخيفة “من وجهة نظري” ان الارقام ما بتكدبش! لازم يبقى منطقي ومرتبط ببعضه وفيه علاقة بين المؤشرات والنتائج وبعضها.

وظيفة التحليل المالي ؟

التحليل المالي علم وليه قواعد ووظيفته هي أنه يجمع بيانات ومعلومات خاصة بالقوائم المالية ويصنفها،

وكمان يعملها دراسة تفصيلية دقيقة ويعمل ربط أو علاقة ما بين البيانات وبعضها عشان يخرج معلومات تفيده اكتر في فهم الوضع المالي للشركة وأدائها قبل ما يبدأ يحط فيها فلوسه يعني بيشوف نقاط القوة والضعف اللي في الشركة.

فأنت كمحلل بتبص للي ورا الارقام وعشان تخطط ماليا لازم تحلل الاول عشان تعرف تاخد قرار.

مين هم مستخدمين التحليل المالي ؟

اما بالنسبة للي بيستخدم التحليل المالي فالمستخدمين كتير وكل مستخدم وعلي حسب احتياجه.

يعني المقرضين بيعملو تحليل ائتماني عشان يعرفوا ايه المخاطر اللي ممكن يتعرضوا ليها ف حالة لو الشركة مسددتش اللي عليها يعني بيقيمو الوضع الائتماني وعلي اساس دراستهم بياخدو قرار!!

وطبعا المستثمرين سواء افراد أو شركات بيتأكدو من ان استثمارتهم في الشركة هتعود عليهم بأرباح!!

فوائد التحليل المالي

التحليل المالي هي اداة بتمكن المستثمرين من معرفة ايه افضل الاسهم الموجودة اللي بسعر كويس وبتحقق اعلي ربحية.

ولو هيحصل اندماج ما بين شركتين فالادارة المالية للشركة المشتركة بتدرس وتقيم القيمة الحالية للشركة اللي هيتم شراءها والاداء المستقبلي، كذلك لو هتخطط ماليا هتستخدمه والناس المسئولين ع الرقابة المالية بيستخدموه عشان يتأكدو من عدم وجود انحرافات او اخطاء!!

واي استثمار جديد تدخله لازم تراعي فيه 3 حاجات:

1- لازم تحلل قبل ما تستثمر.

2- مخاطر قليلة.

3- عائد مرضي.

كذلك لو اي عملية استثمار مفيهاش ال3 حاجات دول فهي تعتبر مضاربة.

واهم عاملين لازم نركز عليهم هما السعر والقيمة،السعر في السوق اللي بتدفعه عشان تشتري سهم معين والقيمة الحقيقية هي اللي هتستلمها لو بعت!

طبعا بيحصل زيادة وانخفاض ما بين الاتنين مع مرور الوقت فضروري نحلل اسباب الزيادة او الانخفاض ليه قيمته قليلة بس سعره عالي.

عشان كده لازم نركز ونشوف القيمة الحقيقة قبل ما تدفع السعر أو حتي تبيع.

كذلك لو سعر السهم اقل من قيمته الحقيقة كل ما المخاطرة قلت وزادات نسبة الارباح فاللي يهمنا قيمة السهم!

مستويات تحليل البيانات المالية

وتحليل البيانات المالية بيتم علي 3 مستويات:

( اقتصاد – قطاع – شركة ).

تحليل البيانات المالية علي مستوي الاقتصاد

دراسة الاقتصاد ككل أدوات السياسات المالية والنقدية معدلات التضخم والضرائب ومستوي البطالة ومستوي دخل الفرد وسعر الفائدة وميزانية الدولة والناتج القومي.

كذلك ده كله هيفرق ف السوق بشكل عام ف يا اما يزود التفاؤل والسوق يصعد او العكس!

وفي الحالتين اكيد هيكون في تأثير علي حركة التعامل علي الاسهم.

تحليل البيانات المالية علي مستوي القطاع

دراسة ظروف الصناعة ومش كل الصناعات بتمشي علي نفس المستوي.

هتلاقي قطاع صاعد وقطاع هابط شطارتك انك تحلل وتعرف وتجمع معلومات عشان تعرف انهي صناعة هيكون فيها ازدهار الفترة الجاية كذلك في صناعات بتنمو أسرع.

كذلك بتحاول تعرف المبيعات اللي قبل كده والارباح وظروف المنافسة وطبيعة المنتج وحجم الطلب والعرض ومدي تدخل الحكومة وايه تأثيرها !!

تحليل البيانات المالية علي مستوي الشركة

دراسة ظروف الشركة بتختار عدد من الشركات من نفس الصناعة وبتبدأ تشوف وتقارن ببساطة.

إن الكيان اللي قدامك لو مش بيكسب هتعيد النظر سواء في تمويله أو الدخول معاه في شراكه او استثمار.

كذلك لو بيكسب بس مش بيكبر فدي برضو مش كويسه معناها ان الكيان ده معندوش خطة مستقبلية انه يكبر واهم حاجة توضحلك الموضوع ده العائد على حقوق الملكية.

ممكن بردو تعرف أكتر عن التحليل المالي، و يعني ايه تحليل مالي ببساطة ؟ من خلال مشاهدة الفيديو ده :

وعشان تقدر تعرف موضوعات أكتر عن التحليل المالي ياريت تزور قسم :

موضوعات المحاسبة المالية

كذلك لو عايز تتعرف علي مواضيع ريادة الاعمال والبيزنس ودراسات الجدوي تابعنا علي صفحة الفيس من هنا :

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى