محاسبة

مقدمة في التحليل المالي | وما قبل التحليل المالي ووظيفته

” مقدمة في التحليل المالي ” المحاسبة مش مجرد ادخال بيانات مهم جدا تكون فاهم كل معاملة بتدخلها في السيستم هتأثر ازاي علي القوائم المالية لأن خد بالك الهدف النهائي من المحاسبة المالية اننا نوصل للقوائم المالية يعني ضروري تكون شايف الدورة المحاسبية بتمشي ازاي !

مقدمة في التحليل المالي

هنتعرف دلوقتي علي العناصر اللي هنكلمك عنها بالتفصيل كالتالي :

  • تحليل القوائم المالية.
  • مؤشرات التحليل المالي.
  • فيديو توضيحي بيشرح التحليل المالي.

تحليل القوائم المالية

مقدمة في التحليل المالي تعالي بقي في البدية اكلمك علي اهم دور الادارة بتعلمه :

من اهم المهام اللي بتعملها ادارة اي شركة تحليل القوائم المالية بتاعتها عشان تقدر تاخد قرار يحسن من اداء الشركة إذا بإختصار وبدون رغي كتير دور الادارة هو تحليل الPerformance

وعشان تحلل اي قائمة مالية لازم تتعلم تقرا القوائم وتكون فاهم بنودها كويس اوي 💡

عشان تقدر تعرف رقم كل بند موجود جه ازاي ؟

وتفصيلة الارقام بتبقي موجودة في الايضاحات المرفقة بالقوائم 📎

كذلك الايضاحات بيكون فيها السياسات المحاسبية المستخدمة ف اعداد القوائم.

يعني بإختصار الايضاحات وظيفتها انها تساعدك تفهم الارقام الموجودة في القوائم، محسوبة ازاي والايضاحات ليها ترتيب معين ممكن نبقي نتكلم فيه بعدين..

مؤشرات التحليل المالي 

” مقدمة في التحليل المالي ” كذلك في مؤشرات مالية ممكن تستخدمها بتسهل الامور عليك وبتديك فهم اعمق للارقام.

في مؤشرات بتقيس السيولة وفي بتقيس الربحية وفي بتقيس النشاط كذلك في بتقيس المديونية.

المؤشرات دي بتديك فهم افضل لأداء الشركة .

وللعلم اي مؤشرات بدون مقارنة مش هتقدر تعرف هل انت كده ماشي كويس ولا لأ !

لازم يبقي في مقياس اقدر اقيس من خلاله ادائي!!

وعشان تتأكد انك بتتقدم ومبترجعش لورا قارن مؤشرات السنة دي بمؤشرات السنوات اللي فاتت.

كذلك ممكن تقارن ما بين مؤشراتك ومؤشرات الشركات المنافسة اللي في نفس الصناعة وتعرف انت فين منهم بالظبط!

التحليل المالي باختصار

باختصار كده التحليل المالي هو المراية اللي هتشوف فيه نقاط القوة ونقاط الضعف والفرص المتاحة والتهديدات الموجودة ف الشركة.

فيديو عن التحليل المالي ووظيفته

كذلك ممكن تشاهد فيديو شرح مقدمة في التحليل المالي وتعلُم القوائم المالية من هنا

ولو كنت عايز تعرف موضوعات أكتر عن التحليل المالي والمحاسبة شكل عام كما متنساش تتابع قسم :

المحاسبة المالية

وبكده نكون قدرنا نعرف في مقال اليوم مقدمة بسيطة عن التحليل المالي.

كذلك ممكن تتابعونا علي صفحة الفيس بوك عشان تعرفوا أكتر عن التحليل المالي :

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى