محاسبة

مقدمة في التحليل المالي

المحاسبة مش مجرد ادخال بيانات  مهم جدا تكون فاهم كل معاملة بتدخلها في السيستم هتأثر ازاي علي القوائم المالية لأن خد بالك الهدف النهائي من المحاسبة المالية اننا نوصل للقوائم المالية يعني ضروري تكون شايف الدورة المحاسبية بتمشي ازاي !

تعالي بقي اكلمك علي اهم دور الادارة بتعلمه 

من اهم المهام اللي بتعملها ادارة اي شركة تحليل القوائم المالية بتاعتها عشان تقدر تاخد قرار يحسن من اداء الشركة إذا بإختصار وبدون رغي كتير دور الادارة هو تحليل الPerformance

وعشان تحلل اي قائمة مالية لازم تتعلم تقرا القوائم  وتكون فاهم بنودها كويس اوي 💡 عشان تقدر تعرف رقم كل بند موجود جه ازاي؟ 
وتفصيلة الارقام بتبقي موجودة في الايضاحات المرفقة بالقوائم 📎والايضاحات بيكون فيها السياسات المحاسبية المستخدمة ف اعداد القوائم يعني بإختصار الايضاحات وظيفتها انها تساعدك تفهم الارقام الموجودة في القوائم محسوبة ازاي والايضاحات ليها ترتيب معين ممكن نبقي نتكلم فيه بعدين 

في مؤشرات مالية ممكن تستخدمها بتسهل الامور عليك وبتديك فهم اعمق للارقام ف مؤشرات بتقيس السيولة وفي بتقيس الربحية وفي بتقيس النشاط وفي بتقيس المديونية المؤشرات دي بتديك فهم افضل لأداء الشركة 

وللعلم اي مؤشرات بدون مقارنة مش هتقدر تعرف هل انت كده ماشي كويس ولا لأ لازم يبقي في مقياس اقدر اقيس من خلاله ادائي!!
وعشان تتأكد انك بتتقدم ومبترجعش لورا قارن مؤشرات السنة دي بمؤشرات السنوات اللي فاتت وممكن تقارن ما بين مؤشراتك ومؤشرات الشركات المنافسة اللي في نفس الصناعة وتعرف انت فين منهم بالظبط!
باختصار التحليل المالي هو المراية اللي هتشوف فيه نقاط القوة ونقاط الضعف والفرص المتاحة والتهديدات الموجودة ف الشركة 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى