محاسبة

تجربة عمل في مكتب محاسبة + خلاصة التجربة دي بالمقال

هنتكلم النهاردة عن تجربة عمل في مكتب محاسبة للتدريب واخذ الخبرة حلم لمعظم حديثي التخرج فى مصر!
انه ياخد خبرة فى القيود وتقفيل الحسابات والترحيل للدفاتر وغيرها من الحاجات المهمة حديثي التخرج يكونوا علي علم بيها عشان كده هنتعرف علي تجربة العمل بمكاتب المحاسبة في مصر.

تجربة عمل في مكتب محاسبة

هنعرفكم دلوقتي علي:

  • تجربة عملي في مكاتب المحاسبة.
  • ثم خلاصة تجربة العمل دي.

تجربة عملي في مكتب محاسبة

روحت مكتب محترم فى منطقة راقية وبرستيج قدمت ورقى وعملت انترفيو.

وكان الاتفاق انى أنزل 3 شهور بدون مقابل وساعات العمل من 9 صباحًا لحد 5 مساءًا كذلك لو فى ضغط شغل مش هتروح!

قولت تمام ضغط شغل يوم أو يومين مش مهم.

طيب وبعد ال 3 شهور هيعمل معايا عقد احتكار لمدة 3 سنوات اني ما اسبش المكتب.

 وفى شرط جزائى بمبلغ كبير ومرتبك هيتراوح بين 1000 جنية ل 1500 جنية بزياده 10% سنويًا.

كذلك اتفقت معاه ان النظام ده مش مناسب وإن أنا هفضل معاه سنة.

بعد كلام كتير ومحاولات وافق لان المكتب محتاج موظفين في الوقت ده عشان الاقرارت الضريبية كذلك تقفيل الميزانيات، وكمان لقيت انها هتبقي تجربة عمل كويسة في مكتب محاسبة.

ونزلت الشغل أول يوم عشان أخد الخبره بقى!

لقيت نفسى شغال مدخل بيانات فتره كبيرة لفواتير شركة بعدها كاتب لفواتير مزوره لعدد 500 فاتورة من النوع الكبير يعنى الفاتوره تاخدلها بتاع من 3 ل 5 دقايق كتابة لحد ماتعبت كذلك ضهرى واعصاب ايدى باظوا.

خلاصة تجربة عمل في مكتب محاسبة

الخلاصة ان مكاتب المحاسبة هتديك خبره بس لو أنت عايز تستمر ف الشغل فى مكاتب المحاسبة ودى بتبقى مرتباتهم ضعيفة وعشان تتعلم منها مش أقل من سنة ونص.

فلو عندك استعداد تشتغل بمبلغ قليل بساعات عمل كتير وتروح مشاوير تخلص مأموريات فده زي ما قولت مش أقل من سنة ونص ..

غير كدا كورسات المحاسبة كويسة هتساعدك اكتر من الشغل ف مكتب
لو انت عايز تشتغل فى شركات تحت مسمى “محاسب – مدير مالى” او للناس اللى مش عايزه تفتح مكتب محاسبة.

وبكده نكون عرفناكم علي تجربة عمل في مكتب محاسبة.

لو حابب بردو تتعرف علي موضوعات تانية خاصة بالمحاسبة ياريت تزور قسم:

المحاسبة

كذلك لو عندك استعداد تعرف عن دراسات جدوي المشاريع الصغيرة اتفرج علي:

فيديوهات دراسات جدوي المشاريع الصغيرة المربحة

وكما متنساش تتابعنا علي صفحتنا علي الفيس بوك عشان تتعرف علي كل جديد يخص المحاسبة وريادة الاعمال:

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

يرجي إلغاء إضافة حجب الإعلانات حتي نتمكن من مساعدتك.