محاسبة

ليه المحاسبة مملة وليه المعظم بيفضل المراجعة ؟!

  • المحاسبة في جزئية صغيرة ممكن تكون مملة، اما المراجعة خصوصا لو اشتغلت مراجعة داخلية وخارجية بتخليك تفهم الـbusiness model والـprocesses علي مستوي الشركة ككل وبتقدر من خلالها تتحول لاستشاري اكتر منك كمراجع.
  • المحاسبة مشكلتها انك لازم تبقي ماسك حاجات كتيرة عشان متبقاش مملة! يعني لو حتبقي محاسب عملاء مثلا، حتزهق عشان حتلاقي كل يوم نفس الحاجة فحاول تخش في كذا مجال في المحاسبة وبعد كل ده لو لقيتها لسه مملة يبقي سيب المجال وروح للمجال الي انت شايفه مناسب ليك.
  • الروتين الوظيفي مش هتحس بيه لو انت مش محدد بمهام معينة مطلوب منك تنفيذها ومفيش وظيفة هتلاقيها فاتحة إيديها وبتقولك إعمل كل حاجة واختار المهام اللي انت عايز تعملها وده بيبقي بحسب نشاط الشركة وهيكلها!
  • ده غير إن المجال بتاعنا محكوم بقواعد ومعايير محددة، وشغلك هيكون داخل الاطار ده ومش هيخرج براه.
  • المهم بقي متزنقش نفسك في مهام نفس الشغلانة وتفضل فيها سنوات كتير، لكن حاول تطلب مهام جديدة أو تنتقل لوظيفة تانية ده لو مترقيتش ولو ده مش متاح ممكن تقدم علي وظيفة جديدة في شركة تانية.
  • مجالات البيزنس بشكل عام مش المحاسبة بس فيها تطور مستمر والتطور الكبير في مجال التكنولوجيا ليه تأثير كبير علي كل العلوم، عشان كده اللي عايز يشتغل في أي مجال بيخص البيزنس لازم يطور من نفسه بإستمرار وميقفش عند حد معين من التطور ويكون متابع للأخبار والتطورات اللي بتحصل في مجال البيزنس بشكل عام ومجال المحاسبة بشكل خاص!

    نصيحة اخيرة متحاولش تكمل في نفس الوظيفة طالما مش بتتعلم منها وبتاخد خبرة خاصتا لو انت لسه في أوائل العشرينات من عمرك واي مجال هتلاقي ناس بتقول عليه حلو وناس بتقول عليه ممل! الفكرة انك متعملش حاجة انت مش حاببها أيا كان المجال ده ايه!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى