متسافرش تشتغل فى السعودية إعقل لو انت زى كل الشباب اللى زهقت من البلد دى وفكرت انك تسافر وتاكل عيش فى حته تانية احب اقولك ابعد عن السعودية دلوقتى أو على الأقل ماتخليهاش من اوليات البلاد الى انته بتفكر تسافر ليها ..
متسافرش تشتغل فى السعودية إعقل
لو مش مصدقنى كلم اصحابك أو معارفك الى شغالين هناك دلوقتى وهما هيقلولك الوضع هناك عامل ازاى .. وده قبل ماتسافر وتلاقى نفسك دافع فلوس كتير عشان خاطر العقد والفيزا ومصاريف السفر وخلافه.
وتلاقى نفسك هناك مش بتقبض !!! مش بقبض ؟؟ ايوة يافندم ممكن ماتقبضشى وممكن تلاقى مرتبك بيتأخر كل شهر.
كذلك ممكن فى النهاية بردو تلاقى الشركة بتنهى عقدك ومرجعاك على مصر !!! وده حصل مع ناس فعلا.
- Advertisement -
متسافرش تشتغل فى السعودية إعقل طب ايه السبب ؟
السعودية دلوقتى ومن اواخر السنة الى فاتت بدأت بتعانى من ازمة وانكماش اقتصادى ولأول مرة من سنييين كتيرة يكون عندهم عجز فى موازنة الدولة تقريبا 145 مليار ريال سعودى لسنة 2015وده رقم مخيف.
طب ايه سبب الأزمة ؟؟
سبب الازمة هو عجز الموازنة لان ايرادات السعودية قلت بكتييير عن مصروفاتها عن كل سنه.
كذلك من المعروف ان اى دولة كل سنه مصروفاتها بتزيد عن السنه الى قبليها.
لكن من السنه الى فاتت وبعد قرار دخول السعودية فى حرب اليمن لانها مهدده حدودها الجنوبية.
من وقتها والسعودية بتدفع فاتورة كبيرة شهرية على الحرب وفى الوقت نفسه ايراداتها قلت بشكل ضخم من النفط.
- Advertisement -
وده لان هوه اكبر مصدر للايراد فى ميزانية السعودية والى سعره نزل من 110 دولار للبرميل ل 40 دولار يعنى اكتر من 60%.
طيب ده هيأثر عليك ازاى بقه يالى مسافر السعودية ؟؟
مبدأيا كده بعد العجز الكبير ده فيه قرارات تقشفية
بمعني ان الدوله هتبدأ توفر فى مصروفاتها وده هيعمل انكماش اقتصادى ..
تعالى نخدها واحدة واحده ..
دلوقتى على سبيل المثال كان فيه قرار تقشف بايقاف ” للمشروعات البنية التحتية “.
بمعني لو فيه شركة مقاولات بعد ماكانت بتنفذ للحكومة 20 مشروع فى السنة دلوقتى هاتنفذ مثلا 5 مشاريع طيب يعنى ايراد الشركة دى هاتقل كتير ..
طيب الشركة هاتعمل ايه ؟؟ طبيعى القرار ده هيأثر على الشركة وانها بردو هاتوفر مصروفاتها والى اهم عنصر فى مصروفاتها هيا الرواتب ..
فبالتالى يا أما هاتقلل الرواتب أو مش هاتدفع رواتب لغاية مانته تزهق وتهرب من الشركة أو هما هيسرحوك وده شوفناه حصل لمئات المصررين الفترة الى فاتت ..
كذلك ده غير ان السعودية قررت ترفع الدعم للمواد البترولية يعنى هتلاقى البنزين والكهرباء والغاز اسعارهم عالية وده يعنى المعيشة هاتبقه غاليه و زيادة الضرائب على الموظفين الاجانب الى هوه حضرتك …
على اى حال انا مش بقولك خليك قاعد فى مصر ومصر حلوة والكلام ده ..
انا بقولك خد بالك وادرس موضوع السفر قبل ماتدفع فلوس وتضيع القرشين الى معاك وماتقبلش بمرتب قليل هناك لان الموضوع اختلف عن الكام سنة الى فاتو ..
كذلك بردو فى بدائل كتير لدول عربية تانية فكر فيها ..
واذا كنت حابب تستفيد من دراسة جدوي المشاريع الصغيرة تابع قسم :
تابعنا بردو علي صفحة الفيسبوك عشان تتعرف علي موضوعاتنا الجديدة :
