الأسعار في البورصة بتتغير بسبب حاجات كتير زي الأخبار الجديدة، القرارات السياسية، الظروف الاقتصادية، وحتى بسبب الطقس، عشان كده هنتكلم النهارده عن نظرية إليوت اللي بتتكلم عن 13 نموذج مالي داخل البورصة بيأثروا على حركة الأسعار، وعلى الرغم من ان النظرية دي مش بتدي توقعات مظبوطة للمستقبل، بس هي أداة مهمة جدا للمستثمرين والمتداولين في الأسواق المالية عشان تساعدهم في فهم الأسعار والاتجاهات اللي بتحصل في السوق.
إقرأ المزيد: مدخل للمبتدئين: إزاي تدير رأس المال في الأسواق المالية
ايه هي نظرية موجات إليوت؟
نظرية موجات إليوت نظرية مالية بتُستخدم في تحليل الأسواق المالية، واسمها جاي من اسم رالف نيلسون إليوت اللي ابتكرها، النظرية بتحدد 13 نموذج مالي بيحصل في الأسواق المالية كتير، بس مش بنفس التوقيت ولا الحجم، وبتوصف ازاي النماذج دي بتتربط مع بعضها عشان تحكي قصة أكبر.
النظرية بتقول إن في أنماط في الأسعار وبتتوقع الأماكن اللي هتحصل فيها الأنماط دي، بس مش بالضرورة يكون توقع مظبوط ومناسب للمستقبل، بس التوقعات دي بتساعد المستثمرين يحللوا الموقف ويعرفوا السيناريوهات اللي ممكن تحصل.
حركة الأسواق من وجهة نظر إليوت
نظرية موجات اليوت بتقول إن لما الناس يتجمعوا مع بعض، بيتصرفوا زي القطيع مش زي الشخص الواحد، النظرية دي بتستند على ملاحظات رالف إليوت على نفسية المجتمع البشري وحاول يطبقها على الاسواق المالية، فهي بتقول إن نظام القطيع بيحصل لما الناس بيتأثروا ببعضهم وبيتبعوا سلوك معين واتجاهات من غير ما يكون فيه توجيه مركزي.
وممكن يحصل نظام القطيع ده لما الناس بيتجمعوا وبيبقي عندهم خوف أو طمع أو رغبة في البقاء، الناس بيخافوا من اللي مش عارفينه وبيطمعوا في اللي أكتر من اللي عندهم وبيدخلوا في حروب عشان يفضلوا عايشين، وبشكل عام نظرية موجات إليوت بتقول إن لما الناس بيتجتمعوا بيتأثروا ببعضهم، وبيتشابهوا في سلوكهم وممكن يتبعوا سلوك مش مبرر ومبني على اللاوعي، ودا بيحصل بغض النظر عن اختلاف الناس في الأعراق والديانات والثقافات.
إزاي اتطورت نظرية موجات إليوت؟
الخوف هو واحد من أساسيات المشاعر البشرية، وده اللي بنستخدمه لما بنحس بالخطر أو إننا مش في مكان آمن، النظرية الموجية فيها فكرة إن الردود اللي بنعملها لما نواجه خطر كبير، ممكن تختلف، بس كلنا بنواجه نفس الشعور وهو الخوف، الخوف ده بيجي من الرغبة في إنك تعيش وتحسّن حياتك، وده اللي بيخلي الخوف يتلاشى ونحس بتفاؤل ونبدأ نحلم بمستقبل أحسن.
رالف إليوت درس الكساد الكبير اللي حصل في التلاتينيات، وبعد تحليل البيانات اكتشف حاجات كتير وجديدة عن طريقة تحليل أسواق المال، رالف قام بتحويل دورة النفسية اللي اتكلمنا عنها لنماذج ممكن نستخدمها في الأسواق المالية، واللي بتتكرر بشكل مستمر، وممكن نتنبأ بيها، وظهرت النماذج اللي بتتكلم عن الموجات واستخدامها في تحليل الأسواق المالية اللي بتتحكم فيها النفس البشرية، وده لأن السوق بيتحكم فيه عاملين هما العرض والطلب.
خلاصة نظرية موجات إليوت
إليوت بيقول إن الأسواق المالية بتتحرك زي الأمواج في البحر، وده بيتمثل في موجات دافعة وتصحيحية.
الموجات الدافعة بيكون فيهم 3 موجات، والتالتة منهم بتكون الأكبر، الموجات التصحيحية بيكون فيهم موجتين عكس الاتجاه العام للسوق، وموجة واحدة بتكون مع الاتجاه العام، والموجات دي بتتحكم فيها الحالة النفسية للمتعاملين في السوق، يعني في ناس بتشتري وبتبيع بشكل غير منطقي بسبب العواطف والشائعات وغيرها، وده بيأثر على اتجاه السوق وعلى الأسعار والموجات.
مهم: ازاي تدير المخاطر في البورصة مع وضع حدود للخسارة
في المجمل، إليوت بيقول إن الموجات دي بتتكرر وبتتكرر وبتتكرر، وممكن نستخدمها عشان نتوقع حركة السوق في المستقبل، ونحدد الفرص الاستثمارية والأخطار المحتملة، بس ياريت نفهم إن دي نظرية ومش بالضرورة إنها تنطبق على كل الأسواق وكل الأوقات، وبنحتاج للدراسة والتحليل الجيد عشان نستخدمها بشكل صحيح.
