ريادة أعمال

ازاى تفتح مشروعك أون لاين | خطوات البدء في المشروع ومميزاته

” ازاى تفتح مشروعك أون لاين ” فى ظل ظروف البلد الصعبة اليومين دول .. وارتفاع الاسعار كتير مننا دلوقتى بقه بيفكر يشتغل شغلانتين وتلاته عشان يقدر يحقق دخل اكبر .. وبرده شباب كتير نفسهم يفتحوا مشروع تجارى خاص بيهم .. بس يجى العائق قدام كل الشباب وهيا تكاليف المشروع ده لان دلوقتى كل حاجه غاليه فلو اى شاب فكر يفتح مشروع ولو حتى محل بقاله هيبقى قدامه تكاليف كتير زى الايجار وتشطيبات المحل ومصاريف الدعايه .. الخ ده غير طبعا التراخيص واللف على المصالح الحكوميه والروتين الجميل ..

النهارده هنتكلم عن المشاريع الاون لاين ودى انتشرت كتير اليومين دول ونجحت بصوره غير طبيعيه وده لاسباب كتير اهمها ان تكاليف المشروع هتكون اقل بكتير وتقريبا مصاريف الاعلانات تكاد تكون معدومه .. كذلك هنتكلم بشكل مفصّل عن كل حاجه فى المشاريع الاون لاين وهانقولك كمان ايه اللى ممكن تشتغل فيه وهنجاوبلك على السؤال بتاع اجيب البضاعه منين ؟؟ … وهنقسم الموضوع على مرتين عشان هنتكلم بشىء من التفصيل.

ازاى تفتح مشروعك أون لاين

  • مميزات المشاريع الاونلاين.
  • خطوات بداية المشروع.
  • ازاي تفكر بره الصندوق.
  • اعلانات الفيس بوك.

مميزات مشروعات أون لاين

ميزه المشاريع الاون لاين انها مش بتحتاج اى تكاليف ايجار وكمان بتوفر عليك الدعايه والاهم من كدا انها بتستهدف زباين من اماكن مختلفه وبعيده.

ازاى تفتح مشروعك أون لاين بالخطوات

أول خطوة هيا انك تفتح صفحة او جروب على الفيس بوك وتسميها الاسم اللى يعجبك والافضل انها تكون مرتبطه بالنشاط اللى انته هاتعمله

كذلك عشان تعمل صفحة ليك علي الفيس بوك ممكن تدخل علي لينك انشاء الصفحة من هنا.

وده طبعا بعد ماتختار الحاجه اللى انت قررت هاتبيعها اون لاين ..

وقبل ما اقولك على اكتر الحاجات اللى بتتباع اون لاين وناجحه وتجيبها منين ..

لازم تقعد تفكر مع نفسك الاول وتدرس السوق وتشوف ايه اللى انت ممكن تكون فاهم فيه ..

ازاى تفتح مشروعك أون لاين وتفكر بره الصندوق

مش لازم تكون الصفحه او الجروب ده بيبيع سلعه .. فيه افكار كتير ممكن تفكر فيها ومتكنش اتعملت قبل كدا.

زى انك ممكن تقدم خدمه .. ودى امثله لحاجات مش موجوده فى الوقت الحالى اون لاين بشكل كبير وممكن تبدأ بيها

ممكن تقدم خدمه نقل طرود حاجه كده زى الديلفرى.

كذلك ممكن لو عندك عربيه مثلا تقدم خدمه ليموزين بعربيتك مش هتخسر حاجه بدل ما العربيه مركونه تحتك.

وخاصه لو حاسس ان العائد من اوبر وكريم مش مغرى.

كذلك ممكن تعمل اتفاق مع المحلات على خصومات لو حد اشترى منهم من خلال الصفحه.

وممكن تعرض على صفحتك دى العروض وافضل الاسعار واصحاب المحلات هيرحبوا بالفكره لانهم اكيد عايزين يبيعوا

اعلانات الفيس بوك

ناس كتير هتقول ان صفحه الفيس دى مش هاتتشاف كتير ومش هقدر اوصل لناس كتير اعرضلهم افكارى أو الحاجه اللى انا ببيعها …

لا يابيه .. الموضوع دلوقتى بقه سهل جدا لان الفيس بيعملك اعلانات وهتلاقى صفحتك بتزيد يوم ورا التانى.

بس طبعا الموضوع بفلوس بس مش كتير .. يعنى ممكن تبدأ تعمل اعلانات ب 200 جنيه فى الاسبوع ودا رقم بسيط لميزانيه التسويق بتاعت المشروع .. واللينك هنا هيوضحلك اكتر

وبكده نكون عرفناك علي ازاى تفتح مشروعك أون لاين.

كذلك اذا كنت مهتم بمعرفة معلومات أكتر عن المشاريع ممكن تزور قسمنا :

ريادة أعمال

تابع صفحتنا علي الفيس بوك من هنا :

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى