ريادة أعمال

إتعلم صياعة التسويق من الچوكر فى 5 خطوات بسيطة هتساعدك في البيزنس بتاعك

إتعلم صياعة التسويق من الچوكر فى 5 خطوات شخصية الجوكر في تحفة كريستوفر نولان الفنية The Dark Night مش مجرد شخصية فنية بتجسد دور الشر بشكل عبقري خلته مرجع لأي حد هيقوم بدور السيكوباتي الشرير , لأ .. ده هيث ليدجر بأداءه الأسطوري للجوكر و النص المكتوب بأحترافية من نولان , كذلك خلوا الشخصية دي كمان مرجع لحاجات تانية كتير ..زي التسويق و الbranding ,عشان كده هنشوف ازاي الجوكر ممكن يساعدنا في البيزنس.

إتعلم صياعة التسويق من الچوكر فى 5 خطوات

1- اخلق هوية للbrand name

2- It’s not about the money, it’s about sending a message

3- Nobody panics when things go according to plan

4- خليك محدد We kill the Batman

5- If you’re good at something, never do it for free

1- اخلق هوية للbrand name

لو فكرت في شخصية الجوكر و افترضنا انك مش عارف اسمه أو ناسيه, ايه اللي ممكن يجي في دماغك ؟

الراجل اللي شكله زي المهرج .. الراجل اللي بيحط مكياج ..أبو بدلة بنفسجي .. أبو شعر أخضر .. اللي عنده scar في شفايفة ! لو فكرت في صورة أي مجرم تاني في خيالك , غالبا مش هتميز صورته !

كذلك من المهم لأي حد في مجال البيزنس أنه يخلق هوية فريدة لل brand name بتاعه لو عايز يكون مختلف عن المنافسين بتوعه . الصورة اللي بتنطبع عنك في السوق مش بس بتكون من خلال شكل علامتك التجارية , ده كمان من خلال انطباعهم عن منتجاتك ومستوي الخدمة اللي بتقدمها.

كذلك كل ده بيساعدك انك تخلق الهوية الخاصة للعلامة التجارية بتاعتك و اللي تقدر تسيطر بيها علي السوق.

2- It’s not about the money, it’s about sending a message

في أحد مشاهد الفيلم , بعد ما سرق الجوكر ملايين الدولارات حرقهم كلهم وقال الجملة اللي فاتت دي ,

وده لأن الربح مكنش هدفه ولكن اشاعة الفوضي .

كذلك لازم تسأل نفسك ايه الهدف من البيزنس بتاعك ؟

ولو كانت اجابتك هي الربح , يبقي أكيد مش هتوصله.

لازم تبقي عارف ان الربح هو نتيجة حتمية للبيزنس الصح مش الهدف في حد ذاته .عشان تخلق علامات تجارية مميزة لازم تكون مرتبطة برسالة انت بتنقلها لعملائك من خلال المنتج اللي بتقدمه.

هل منتجك فعلا بيخدمهم ؟ هل خدماتك بتساعدهم في حياتهم ؟ وللا انت بس عايز تحقق ربح و بس !

3- Nobody panics when things go according to plan

التخطيط ثم التخطيط ثم التخطيط .. هو أساس التسويق المظبوط !

تحضير خطة مسبقة عن ايه اللي عايز تحققه و ازاي تقدر توصله من خلال معلومات و بيانات كتير بتمتلكها عن السوق والمنافسين ممكن يخلقلك فرص كتير للربح و يقلل مخاطر كتير ممكن تهددك أو الخطة دي و الخطط البديلة اللي بتطرحها لازم تكون معروفة للي بيساعدوك و بيشتغلوا معاك عشان محدش يفقد الثقة فيك و في شغلك أو يفقد السيطرة ساعة الأزمات.

التخطيط هيخلي كل الناس ماشية علي نفس الخط بدون أي panic.

4- إتعلم صياعة التسويق من الچوكر فى 5 خطوات وخليك محدد

هدف محدد , بسيط و بأيجاز نقتل Batman ! , ده كان عرض الجوكر لرؤساء العصابات الكبري في اجتماعهم عشان يتوسعوا في أعمالهم !
لو سألت أي حد بيمتلك بيزنس صغير زي مطعم أو شركة لبيع أي منتج أو خدمة عن ايه الهدف اللي عايز يوصله ؟ هتسمع ايجابات عايمة و غير محددة زي : نبقي أحسن شركة ! نقدم أحسن خدمة !
أي اجابة غير محددة عمرها ما هتوصلك لهدف حقيقي و بالتالي عمرك ما هتحقق ربح . لازم تكون أهدافك محددة و موجزة عشان كل حد بيشتغل معاك يقدر يفهمها ويوصلها . زي مثلا انك تقول : عايزأزود نسبة مبيعاتي 20% ! كده الهدف بقي واضح , لو اتنفذ تقدر تخطط لهدف أكبر , ولو متنفذش انت و كل اللي بيشتغلوا معاك هتدوروا علي حلول بديلة عشان توصلوا للهدف تاني …ومن غير ماتبقي تايه !

5- If you’re good at something, never do it for free

الجوكر هنا بيدي درس مهم في التسعير الخاص بأي منتج , اسأل نفسك الأول ايه هي القيمة اللي منتجك و خدماتك بيقدموها ؟ لأنك قبل ما تفكر في السعر لازم تفكر في الvalue اللي بتقدمها . في الجزء ده من اجتماع الجوكرمع رؤساء العصابات سألوه : طالما قتل Batman بالنسبالك بسيط ليه معملتش كده , فا رد عليهم بالجملة اللي فاتت و طلب مبلغ كبير في المقابل !
مع كل value انت بتقدمها لعملائك في السوق , سعر منتجك بيزيد ! و اوعي تفتكر ان سعر المنتج الغالي ممكن ميخليش حد يشتريه ! بالعكس ..

كل ما زادت القيمة و الفايدة اللي بتقدمهم , كل ما الناس ما هتتقبل أسعارك مهما كان سعرها !

متنساش كمان تتابع قسمنا :

ريادة أعمال

وعشان تتعرف علي موضوعات أكتر عن البيزنس تابع صفحتنا علي الفيسبوك :

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى