دراسة جدوى

يعني ايه نقطة التعادل Break Even Point ؟ | مثال توضيحي ليها

يعني ايه نقطة التعادل ؟ الـ Break Even Point أو نقطة التعادل دي النقطة اللي عندها المبيعات الكلية بتساوي التكاليف الكلية يعني لا كسبت ولا خسرت، وقبل ما اقولك مثال خليني اوضحلك ان في نوعين من التكاليف المرتبطة بالانتاج وهي (تكاليف ثابتة & تكاليف متغيرة)، كذلك هنعرفك أكتر عن نقطة التعادل خلال السطور الجاية.

يعني ايه نقطة التعادل

ودي العناصر اللي هنكلمك عنها بالتفصيل :

  • ايه هي نقطة التعادل ؟
  • ومثال توضيحي.

يعني ايه نقطة التعادل Break Even Point ؟

الـ Break Even Point دي النقطة اللي عندها المبيعات الكلية = التكاليف الكلية يعني لا كسبت ولا خسرت،

وقبل ما اقولك مثال خليني اوضحلك ان في نوعين من التكاليف المرتبطة بالانتاج (تكاليف ثابتة & تكاليف متغيرة)

المبيعات الكلية عبارة عن سعر بيع الوحدة × عدد الوحدات المنتجة.

كذلك التكاليف الكلية = التكاليف الثابتة + ( التكاليف المتغيرة × عدد الوحدات المنتجة )

مثال توضيحي علي نقطة التعادل

يعني مثلا لو مشروع تكلفته الثابتة 200,000 ج والمتغيرة 10 وسعر البيع 50

تعالي نطلع نقطة التعادل بالوحدات وكمان المبالغ

بالوحدات = التكاليف الثابتة / (سعر البيع – التكاليف المتغيرة)

وبالمناسبة (سعر البيع – التكاليف المتغيرة) اللي هو هامش المساهمة

معلومة عالماشي

نسبة هامش المساهمة = هامش المساهمة / سعر البيع =200,000 / (50 – 10 ) = 5000 وحدة

كذلك لو عايزين نقطة التعادل بالمبالغ هنضرب الناتج ده × سعر بيع الوحدة

خد بالك فوق نقطة التعادل تكسب، اقل منها تخسر.

فـضروري جدا تحسب نقطة التعادل عشان البيزنس بتاعك ميخسرش وكمان معرفتك بنقطة التعادل هتعرفك انت محتاج تبيع بكام وقد ايه عشان تغطي مصاريفك وتوصل لهامش ربح مُرضي

طيب لو حبيت أتأكد من حسبتي اعمل ايه ؟

مش قولنا ان الايرادات الكلية = التكاليف الكلية

يعني (5000 × 50) = ]200.000 + (10 × 5000)[
يعني 250,000 = 250,000

وخد بالك بردو لو الشركة ليها اصناف كتير هتطبق نفس الكلام علي كل منتج.

كذلك لو كنت من المهتمين بمعرفة دراسات جدوي المشاريع الصغيرة تابع قسم :

دراسات جدوي

كذلك متنساش تتابعنا عبر صفحتنا علي الفيس بوك :

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

يرجي إلغاء إضافة حجب الإعلانات حتي نتمكن من مساعدتك.