دراسة جدوى

دراسة جدوي مشروع مجمع تجاري صغير في مصر

فكرة عمل مجمع تجاري صغير بيضم عدد معين من المحلات من 20 الي 30 محل ده زائد الاكشاك الصغيرة ده ممكن يحقق ارباح مذهلة في الفيديو هنقدم ليكم دراسة جدوي المشروع ده بالتفصيل.

أولا : مساحة المشروع :
مشروع زي ده محتاج قطعة ارض بمساحة 1000 متر مربع ومن المهم أن المساحة تكون مستطيلة بحيث يكون في صفين من المحلات بيفصل بينهم ممر عرضه مش يقل عن 5 متر.
وعلي فرض إن كل محل عرضه 5 متر في حالة دي لازم عرض مساحة المحل مش تقل عن 15 متر،
ولو هيكون في المجمع 26 محل جنب بعض وبنفس المساحة اللي هي 25 متر وبين المحلات ممر بنفس عرض وطول المحل فبكده لازم طول قطعة الارض تكون حوالي 65 متر.
ولو ضربنا 65 طول في 15 عرض يبقي المساحة الاجمالية لازم تكون 975 متر مربع.
هتستغل 3 محلات من 26 محل عشان تحولهم لمكتب للادارة ومحلين لدورات مياه.
يبقي اجمالي المحلات دلوقتي 23 محل.
المجمع هيكون 3 صفوف بنفس الطول والعرض منه صفين محلات وصف كممر.
المجمع بيتكون من دور واحد عشان نحاول نقلل تكاليف البناء.

ثانيا : موقع المشروع :
من المهم إن المشروع يكون في موقع مميز عشان تقدر تحقق الربح عشان كده أفضل مكان لمشروعك إنك تلاقي موقع فيه عدد سكاني كبير وعمليات البناء، وممكن تحصل علي الارض بنظام الايجار طويل الامد بدلًا من شرائها.

ثالثا : بناء المشروع :
البناء بيتم علي ارتفاع دور واحد عشان كده أعمدة الاسمنت ممكن تكون رقيقة وبردو سقف المجمع ممكن ميزدش عن 10 سم، البناء نفسه مش محتاج لابتكار بيتم تصميمه ببساطه وده بيوفر عليك إنك ممكن تعتمد علي مهندس صغير.
أما تكاليف البناء فهي لن تزيد عن مليون جنيه.

رابعا : تشطيبات المشروع :
أرضيات المجمع بتكون سيراميك بلون فاتح وممكن يكون السيراميك فرز تاني ورخيص من حيث التكلفة وممكن تشتري السيراميك من مصنع بلاط وده يكون أوفر بالنسبالك.
بردو بيكون فيه اعمال للمحارة والطلاء والتركيب.
قمية تشطيبات المشروع ممكن تكون نفس قيمة البناء.

خامسا : عمالة المشروع :
المشروع بيحتاج لمدير عشان يكون مسئول عن الادارة زي التواصل مع العملاء وتأجير المحلات والتوجيه ولازم يكون عندك محاسب ومش ضروري يكون عنده خبرة.
عدد 3 عمال للنظافة لتنظيف الحمامات والممرات والمحلات الغير مستأجرة.

سادسا : ارباح المشروع :
الربح بيكون من خلال تأجير المحلات اللي بتمتلكها وده أمره سهل ده بالاضافة إنك ممكن تأجر 10 مساحات من الممرات كأكشاك للبيع بمساحة مترين طول وعرض.
وعلي فرض إن المحل ايجاره الشهر 3000 جنيه وايجار الكشك الواحد 1000 جنيه ده معناه إنك هتحقق ربح شهري 80 ألف جنيه.
نصها هيكون مصاريف للعمالة والضرايب وغيرها وبكده هيكون معاك صافي ربح 40 ألف جنيه.
وده بيمثل حوالي 480 ألف جنيه سنويًا.
ولو هنفترض إن المشروع هيكلفك 2 مليون جنيه عشان تنفذه، ففي خلال 4 سنوات ونص هتقدر تحقق رأس المال اللي استثمرته.

سابعا : ملاحظات علي المشروع :
ممكن التكاليف تتغير من مكان للتاني ومن شخص للتاني وبالتالي ممكن برد اسعار الايجارات تختلف وعشان تقدر تنفذ المجمع التجاري لازم يكون عندك دراسة جدوي تفصيلية للمشروع وده اللي وضحناها ليكوا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى