دراسة جدوى

إزاى تعمل فلوس من صفحة فيسبوك ؟ وهل المقابل المادي كويس ؟

” إزاى تعمل فلوس من صفحة فيسبوك ؟ ” صفحات كتير جدا بنشوفها وإحنا قاعدين على الفيس ولكن قليل منها المشهور وعدد الـ ليكات بتاعها كبييير أيا كان نوع الصفحة ( رياضى – سياسى – ثقافى – ترفيهى – ساخر – أو حتى صفحة تافهة مش بتنشر أى حاجة ليها قيمة ) ولازم يوميا بنلاقيها على التايم لاين بتاعنا .. وللعلم الصفحات الكبيرة دى مش بس فرد او شخص واحد هوه الـ عاملها .. لا لا فى صفحات دلوقتى فريق كبير هوه الـ بيديرها وبيكون ليهم مقر كمان ..

إزاى تعمل فلوس من صفحة فيسبوك ؟

ودلوقتي هنجاوبك علي بعض الاسئلة بخصوص الموضوع ده وهي :

  • هل صفحات الفيس بوك بتكسب ؟ وهل المقابل المادى كويس ؟
  • إزاى تكسب فلوس من صفحة فيسبوك ؟

هل صفحة الفيس بوك بتكسب ؟ وهل المقابل المادى كويس ؟

أكيد طبعا الصفحات دى بتكسب والعائد المادى كويس أوى بس مش أى صفحة بيكون عدد الـ ليكات بتاعها كبير يبقى ليها نفس الميزة ..

لان أهم حاجة فى صفحة الفيس والـى بيميزها عن صفحات كتير هوه التفاعل Talking about this.

كذلك كل ما التفاعل يكون أكثر كل ما نسبة الوصول أو الـ reach للصفحة تكون أعلى …

يعنى إيه الكلام ده ؟؟

بص ياسيدى التفاعل الفيس بيقيسه من خلال التعليقات والـ ليكات و الشير للبوستات الـى فى الصفحة.

بمعنى أن كل ما يكون فى البوست تعليقات كتير من المستخدمين كل ما البوست ده هيكون نسبة الوصول كبير ..

بمعنى بردو ان أنت كمستخدم لو عامل لايك لصفحة مش كل البوستات الـى الصفحة بتنزلها بتوصلك فى التايم لاين عندك الا لو التفاعل فى البوست كبير وبالتالى هيكون الـ reach للبوست أو نسبة الوصول هيكون لعدد مستخدمين أكتر …

وعشان كده كتير بنلاقى فى الفيس بوستات أسلوبها بيكون رخيص أوى عشان يعملوا تفاعل قوى للصفحة فبتلاقى بوستاتالـ هيا من النوعية دى :

“استحلفك بالله ان تدعى على هذا اليهودى بتعليق ”

” لاتخرج من هنا قبل ان تقول سبحان الله ” وتلاقى مثلا صورة تركيب لاى فاكهة مثلا مكتوب عليها لفظ الجلالة

” اكتب رقم 1 فى تعليق وهتلاقى اسمك مكتوب ”

بوستات عبيطة اوى والأغرب انك تلاقى عدد رهيب من المستخدمين بيقعوا فى الفخ ده والصفحات دى بتكبر بسبب مشاركاتهم وتعليقاتهم.

إزاى تعمل فلوس من صفحة فيسبوك ؟

تعالو نشوف صفحات الفيس بتكسب منين ؟

– بيع الصفحات بعد تكبيرها

فيه شركات دلوقتى بتشترى وبتبيع صفحات الفيس يعنى ممكن تشتغل على صفحتك وتعلى التفاعل وعدد اللايكات وتبدأ فى عرضها للبيع.

وأكيد هيكون المكسب كويس وطبعا هيختلف على حسب حالة الصفحة.

– الاعلانات

والاعلانات ليها أشكال كتير زى التبادل الأعلانى ( ودى غالبا بيكون هدفها المنفعة مابين الصفحات وبيكون غالبا الصفحيتين بنفس الحالة ).

أو إعلانات من شركات كبيرة ودى طبعا بتيجى لما الشركة المعلنة تلاقى الصفحة التفاعل فيها قوى وعدد اللايكات كبير.

فاكيد اى اعلان فى الصفحة هيتشاف كويس .. والاعلانات دى فى الوقت الحالى فى الصفحات الكبيرة بتكون بمقابل مادى عالى جدا يصل لـ 100 ألف جنيه فى الشهر.

– الاعلان لحملة هاشتاج معينة
وده بيكون نوع من الاعلانات الغير مباشرة سواء بقه من خلال صورة او فيديو او بوست مدرج فيه الهاشتاج

– بيع منتج او خدمة من خلال الصفحة
كذلك فى الأغلب لو الصفحة نشاطها تجارى فهتعتمد عليها فى الاساس لبيع المنتج

– عمل موقع وتوجيه المستخدمين عليه.

كذلك ممكن تتعرف علي دراسات جدوي لمشاريع متنوعة صغيرة ومتوسطة من خلال قسم :

دراسات الجدوي

ومتنساش تتابعنا بردو علي صفحة  الفيسبوك :

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى