” حاجات تخليك فايق فى شغلك طول اليوم ” محدش فينا بيحب يصحى بدرى وكلنا كنا نتمنى ان يكون شغلنا شفت ليلى عشان تصحى براحتك وبرده تنام براحتك طبعا هيا المشكلة كلها فينا احنا عشان مش بنعرف ننظم مواعيد النوم خاصة فى وقت الويك اند ولما بيبدأ يوم السبت بتبقى رايح الشغل متكدر ونفسك ترجع تكمل نومك .. وهنا لازم نقول على شويه اخطاء احنا بنعملها وفاكرينها عادى بس هيا بتأثر كتير فى نشاطك طول اليوم ايه هيا ؟؟
حاجات تخليك فايق فى شغلك طول اليوم
ودلوقتي هنعرفك علي شوية حاجات هتخليك فايق ومركز طول اليوم في الشغل.
غفوة المنبه
اعتقد مفيش حد بيصحى على رنه منبه الموبايل من اول مره ..
لازم اول ماتحس بان الموبايل صوته بدأ يعلى وانك هاتصحى تقوم ماسك الموبيل وعامل غفوة عشر دقايق عشان تكمل شويه نوم .. وقال يعنى العشر دقايق دول هما اللى هيفرقوا معانا …
- Advertisement -
وطلعت الغفوة دى اخطر حاجه احنا بنعملها ومش بتخلينا نصحى مفوقين .. ليه ؟
لان لودخلت فى غفوة هتدخل فى دورة من النوم مش هاتعرف تنهيها بشكل مظبوط فهتأثر على مزاجك طول اليوم ..
فبلاش الغفوة واعرف الوقت اللى انت عايز تصحى فيه واظبط منبهك مره واحدة.
الفيسبوك او الايميل
كتير مننا اول مايصحو من النوم ولسه يادوب عينه بتفتح ويكون لسه عقله ماصحاش اصلا يقوم ماسك موبايله،
وقاعد على الفيس يقرا فى البوستات أو يقوم فاتح الميل ويشوف ايه اللى فاته وهو نايم ..
- Advertisement -
كذلك طلع الموضوع ده كمان بيأثر على نشاطنا لانك بتعصر عقلك وممكن تدخله فى مشاكل وعقلك لسه مابقاش جاهز ..
فياريت نصبر ساعة على الاقل قبل ماتمسك موبايلك اول ماتصحى من النوم.
القهوه على الريق تخليك فايق فى شغلك طول اليوم
الجسم اول ماتصحى من النوم بيفرز هرمون اسمه الكورتيزول – هرمون القلق – وده بيبقى فى اول ساعتين من الصحيان
كذلك الهرمون دا هوه اللى بينظم طاقتك طول اليوم، ولو شربت فنجان القهوة اللى على الريق فهيخلى الجسم يفرز كميات اقل من الهرمون ده ويكتفى بالكافيين ودي من الحاجات اللي هتخليك فايق.
حاجات تخليك فايق فى شغلك طول اليوم وجبة الفطار
وجبة الفطار ليها اهمية كبيرة للتركيز طول اليوم والاغلب مننا بيهتم اكتر بوجبة العشا فى وقت متأخر من الليل و اللى هيا غير صحية بالمرة ومش بنهتم بوجبة الفطار ..
حتى لو معندكشى وقت ممكن تاكل اى حاجه ولو بسيطه عشان تروح شغلك مصحصح والعصبية تبعد عنك.
ظبط نومك بالليل
لما تنهى يومك وانت على السرير وبتنام ابعد عن الفيس شوية عشان ماتلاقيش نفسك متأخر فى النوم.
كذلك حاول دايما تعود جسمك على ساعة معينة ينام فيها.
حاجات تخليك فايق فى شغلك طول اليوم الرياضة
الرياضة بتنشط الدورة الدموية وبتبعد الخمول بشكل عام ده غير ان حالتك النفسية دايما بتكون كويسه طول ما انت بتلعب رياضة ولو حتى مقدرتش تلعب الرياضة دى بشكل يومى حاول ولو مره واحده فى الاسبوع اكيد هيكون افضل من انك تبعد عن الرياضة تماما سواء بقه لو هاتروح جيم او تنزل تجرى او حتى تلعب كورة مع اصحابك.
كذلك ممكن تعرف حاجات أكتر تساعدك في بومك في الشغل وده من خلال قسم :
ومتنساش تتابعنا بردو علي صفحة الفيسبوك :
