بيزنس

مايكروسوفت واوراكل وساب واي بي ام بتخيط العملاء بتوعهم

دول أكبر 4 شركات ف العالم بتبيع البرمجيات وال4 عندهم دوافع خفية لازم انت كصاحب بيزنس أو كمحاسب مُحتك بالبرامج دي تعرفها وتفهمهما كويس عشان يكون عندك علم بطريقة اللعب والتخيط اللي بيعملوه للشركات بحيث تقدر تتفادي بقدر الامكان اي تخييط ممكن يحصل للشركة بتاعتك قدر المستطاع وإلا هتلاقي شركتك بتشتري منتجات وخدمات مش بتتوافق مع احتيجاتها!


وده من الدروس المستخلصة من حوار “جارتنر – Gartner” في أستراليا واللي ذُكر في تقرير IT News في 2011 من خلال الندوة محلل جارتنر “دينس جاوجن” شرح ايه اللي الحاجات اللي بتحاول تعملها الباعه الكبار ف السوق وده بناءا على خبرة جارتنر مع عملائها.


مايكروسوفت عايزه تحمي الويندوز والأوفس، ده الاساس بتاعهم ومايكروسوفت شركة منصات “platforms”, و هدفها الأساسي حماية الإحتكار لويندوز و أوفس واللي بيجيب أرباح عالية، وفي نفس الوقت تعمل platforms تانية يكون من الصعب على الزبائن الإستغناء عنها بعدين


مايكروسوفت بتحاول تضيف وظائف تانية جديدة بحيث المستخدمين الحاليين لويندوز وأوفس يستخدموها هي كمان يعني شغاله بأسلوب التغذية بالتنقيط!
والهدف الاساس من الproducts الجديدة إنها تحمي الplatforms الاساسية.. والمحلل دينس نبه ف الحته دي وقال متجريش وراء عقلية “كل شئ من مايكروسوف”!

منتجات أوراكل حقيقة بتنسجمش مع بعضها بصورة كويسة
قوة بيع أوراكل هى غاية في التركيز من أجل الدفع بطاقم منتجاتها، بس عندها نقاط أقل في تكاملية منتجاتها ببعض عن شركة SAP في الواقع،


أوراكل بتتردد كتير في إنها تتكلم عن خريطة منتجاتها لأنها خايفه من إن منتجاتها المستقلبية تقضي علي منتجاتها الحالية بمعني أصح خايفه تاكل نفسها، واوراكل بتحقق أكتر من 90% من مكاسبها من خلال رسوم الصيانه وهتحاول تعمل اللي تقدر عليه بحيث تحافظ علي التدفق اللي بيجي من الرسوم دي، ودينيس قال إن بالرغم من إن أوراكل أكثر الباعة صعوبه ف التعامل معاهم لكن زبائن كتير ليهم مستمرين ف الشغل معاهم ع الحال ده.
أي بي أم عايزة تسيطر على إستراتيجية تقنية معلوماتك!

IBM بتسوق نفسها علي إنها قائدة التفكير بمعني أحسن حد ف مجال تقنية المعلومات
بس شغلها الحقيقي هو بيع الخدمات الاستشارية ومديرين الحسابات داخل IBM بيحاولوا يسيطروا علي إستراتيجية تقنية المعلومات بالزبون من أجل الدفع بمزيد من المنتجات الجديدة، دينيس وصي هنا بإتباع العمل المشترك أو المتعاون مع IBM.


ساب بتلخبط زبائنها بالإسعار زبائن كتير لساب طلبوا المساعدة من “جارتنر” في إنهم يفهموهم سياسة ساب في الأسعار و الترخيص بإعتبار أن ساب عندها مصطلحات غير إعتيادية في فواتيرهم سواء عند دخولهم او خروجهم من العقود، دينس قال التحول التقني الكبير واللي كان الدافع وراء أرباح ساب السنوات القليلة الماضية، تحويل الزبائن الموجودين على نظام R/3 القديم إلى الطاقم الجديد على وشك الإنتهاء، وده معناه بأن على ساب أنها تكون أكثر إندفاعا مع رسوم الصيانة، عشان كده يفضل انك تتفق علي اسعار الصيانه معهم من دلوقتي!

الخلاصة: دينيس بيقول أغلب الابتكارات اللي عملتها الشركات دي كانت ابحاثهم الخاصة بيهم وهدفهم الحقيقي الابقاء علي الوضع الحالي لاطول فترة ممكنة !

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى