بيزنس

استفيد صح من جوجل كروم ! | اشهر الـ Extensions اللي هتسهل عليك شغلك

” استفيد صح من جوجل كروم ! ” جوجل كروم من أهم وأشهر متصفحات الإنترنت، ومعظمنا بيتسخدمه كمتصفحه الأساسي. حسب آخر الإحصائيات بيستخدمه 56% من مستخدمي الإنترنت في العالم، وده لأنه متوفر علي معظم منصات التشغيل سواء كمبيوتر أو موبايل, ومن أهم مميزاته إنه بيتيح ليك إنك تعمل Synchronizing بأكاونت الـ Gmail بتاعك وتفتح الـ Data بتاعتك من History و Bookmarks من أي جهاز عليه جوجل كروم.

استفيد صح من جوجل كروم

كمان فيه مميزات ماتتعدش ممكن تضيفها من خلال الـ Extensions المختلفة واللي هنتعرف عليها ونذكر أشهرها وأفيدها ليك كالتالي :

  1. Strict Workflow
  2. The Great Suspender
  3. AdBlock Plus
  4. Hover Zoom
  5. Google Translate

Strict Workflow

معظمنا وهو بيشتغل بيلاقي نفسه فجأة فاتح فيسبوك أو تويتر أو أي حاجة تاني بتضيع كتير أوي من الوقت وبتخلي التاسك اللي بيخلص في ساعة بيخلص في تلاتة أو أكتر.

فكرة الـExtension ده إنه بيعمل بلوك لأي موقع ممكن يعطلك وأنت بتشتغل وممكن تضيف انت أي موقع تاني، بيعمل بلوك 25 دقيقة وبيديك 5 دقايق Break وهكذا لحد أما تخلص، فكرة الـExtension بسيطة جدًا بس مفيدة لأقصي درجة.

كذلك ممكن تضيفها دلوقتي وتستفيد منها من هنا.

The Great Suspender

ساعات كتير بتبقي فاتح كذا Tab في نفس الوقت ومش بتستخدم معظمهم بس هتحتاجهم فمش عايز تقفلهم بس الـ Tabs الكتير دي بتاخد مساحة مهولة من الميموري وبتكون سبب إن الجهاز كله يهنج.

فكرة الـ Extension انه بيعمل Unload للـ Tab الغير مستخدم بعد فترة معينة وده بيوفر مساحة كبيرة من الميموري، ولما بتحتاج الـTab تاني بينفع تعمله Reload عادي.

لينك اضافة الاكستنشن من هنا.

AdBlock Plus

أهم Extension ممكن تنزلها وده لأن الـExtension دي بتعمل بلوك لمعظم الإعلانات والـ Pop ups و الـ Malwares.

وبكل سهولة هيخلصك من السبع إعلانات اللي بيفتحوا فجأة لما تدوس علي زرار الـ Download الغلط مثلًا.

الـExtension بيستخدمه 50 مليون شخص. أنا شخصيًا بستخدمه وعايز أقول لكم إن وأنا بكتب المقالة دي قلت أبص على أدائها ولاقيت إنها في ٨ شهور عملت بلوك لـ ٣٩ ألف إعلان وريحتني منهم !

ورغم كده لسه فيه ناس ما تعرفش عنها وبتنزعج من الإعلانات اللي ممكن تمنعها.

وممكن تستخدمها وتضيفها بكل سهولة من هنا.

Hover Zoom

فكرة الـ Extension إنك لما تجيب الـ Mouse علي أي صورة تكبر، وده بيوفر عليك إن مثلًا لو فاتح التايم لاين علي فيسبوك مش هتضطر تدوس علي كل صورة عشان تشوفها وهي كبيرة.

ممكن تدخل من هنا عشان تقدر تضيف الاكستنشن عندك.

Google Translate

طبعا مش محتاج أشرح فكرته. الزيادة بس عن الموقع الأساسي إن الـ Extension بتديك الـ Option إنك تترجم صفحة كاملة لو بلغة مختلفة،

كمان ينفع تعمل Highlight علي أي كلمة في أي صفحة وتترجمها في ساعتها، أسرع من إنك تفتح Google Translate نفسه، بس ساعات لو حطيت paragraph كامل على بعده، بيديك ترجمة حرفية، فلو هتستخدمه في شغل ترجمة، هيساعدك طبعًا لكن برضو لازم تقرا الكلام وترتبه بالمنطق.

استخدم دلوقتي الاضافة دي من هنا.

تابع كمان اجدد موضوعاتنا الخاصة بأعمال البيزنس من خلال قسمنا :

بيزنس

ودي كمان صفحتنا علي الفيسبوك عشان تقدر تتابع المواضيع الجديدة من خلالها :

Facebook

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

يرجي إلغاء إضافة حجب الإعلانات حتي نتمكن من مساعدتك.