بيزنس

ازاى اعمل خطة مالية ؟

الخطة المالية مهمة وطبعا كلنا نعرف كدا ، لكن مجموعه قليلة مننا عندهم خطة. ممكن دا لأننا بنعتقد أننا محتاجين مقابلة خبير مالي علشان نحصل على واحدة ولكن مين عنده الوقت أو المال عشان يدفع لواحد مقابل خطة؟
الحقيقة هي أنك ماينفعش تفكر ف دا. الخطة المالية بسيطة جدا والنهارده هنشوف بالظبط ازاي تعرف تبني واحده بنفسك:

ايه هى الخطة المالية؟
ببساطة كدا هي مخطط حالتك المالية الحالية (أ) والمستقبلية (ب) واستراتيجية للانتقال من (أ) إلى (ب) معتمدة على دخلك وأصولك ومصروفاتك. وبمعنى تاني، لو كنت النهارده مجرد شخص مش مرتبط وبتشتغل وعايش في شقة متأجرة، وفي خلال خمس سنين عاوز تتجوز وعندك بيت، ف هتكون الخطة المالية هي طريقتك علشان تعرف ازاي تحقق المصاريف اللازمة للجواز وانك تشتري بيت في حوالي خمس سنين. لما تيجى تعمل خطة هتعتمد على واقعك المالى . واللي هيقول أن الجواز وشراء بيت في خلال خمس سنين حاجه مستحيلة! ولكن بوجود الخطة هيكون عندك سيطرة معينة على حياتك ونظرة أفضل للأمور. وعلشان تحقق الغاية دي، في ثلاث خطوات :

  • تعمل تقرير لحالتك المالية الحالية……..
    دا بيشمل قايمة أصولك وفهم جيد لإيراداتك وإمكانات دخلك ف الوقت دا وفي المستقبل القريب. وكل شهر، بتعمل جداول بيانات لاموالك . وبكدا هيبقا عندك فكرة كويسه عن وضعك المالي في الوقت دا. واعمل كل شهر تحديث للأرقام دي وراجع بيانات بطاقتك الائتمانية وبياناتك البنكية واتأكد من أن كل حاجه دقيقه وصحيحه. الجزء التاني من تقرير حالتك المالية الحالية هو الفهم الجيد لمستوى المصروفات الخاصة بيك. و خطتك المالية بتتعلق بتحديد مسار لمستقبلك وازاي هتوصل لدا من خلال الجمع بين الادخار والاستثمار. وبيعتمد مقدار اللي بتدخره وبتستثمره على مقدار اللي بتكسبه ومقدار اللي بتصرفه وكل ما تتسرع في إدراك دا هيكون افضل

-تعمل تقرير للى انت عاوز تكون عليه حالتك المالية المستقبلية……
هو دا الجزء الأصعب من العملية لأن احنا كبشر سيئين في التنبؤ بالمستقبل. ممكن تمنحك انك تستعين بخبير مالي الفرصة علشان تتكلم بصوت عالٍ عن خططك المستقبلية، وهو أمر صعب انك تقوم بيه بنفسك. علشان كدا هتستفيد من انك تتكلم مع شخص قريب منك، ويعرف يعمل مناقشة صريحة عن المال، ويعرف يقدم لك تعليقات صحيحه.
كمان ما تفكرش في حالة مستقبلية واحدة ولكن سلسلة من الأوضاع المستقبلية. كمان مفيد ليك أنك تفكر في مستقبلك المالي في سلسلة من 5 إلى 10 سنين. اي اللي بتتمنى انك تحققه لما سنك يكون بين 30-35 سنه؟ وبين الـ35 والـ40 سنه؟ ومن 50 ل 60 سنه؟ انت عاوز تشتري بيت خلال الـ5-10 سنين قدام؟ انت عاوز يكون عندك أطفال في الـ10 أو15 سنة الجايين؟. فكرة الـمقطع الزمني المحدد مفيدة ومهمة جدااا لأنها بتمكنك من السيطرة وكمان بتوفر لك المرونة في خطتك.
-تعمل خطة علشان تنتقل من الحالي للمستقبلي……….
انت خلصت الجزء الصعب ، ودلوقتي جه وقت جزء الرياضه. خطتك دي عبارة عن سلسلة من احتياجات التمويل المستقبلية – البيت في 5-10 سنين قدام، والأطفال في 10-15 سنة قدام ، إلخ.
وهتعمل دلوقتي دا: 1- هتحدد المقدار اللي هتخده لكل خطة 
2- هتحتفظ بيه فين؟ / ازاي هتستثمره بحيث انك تقضي احتياجات التمويل بتاعتك ؟. ومن انك تعمل خطه ، هتقدر تاخد خيارات ذكية علشان مستقبلك.

3- المراجعة والتحديث السنوي
كل سنه ، راجع خطتك. هتلاقي ان الأرقام اللي استخدمتها من سنه بتتغير وهيتغير معاها كل حاجه من احتياجاتك المالية وعلشان كدا لازم تعدل خطتك . وافتكر أن الهدف من كل دا هو التفكير في مستقبلك وانك تضيف الجدية على خطتك وحياتك المالية. الدقة طبعا مهمة ولكن لو الاوضاع اتغيرت، يبقي لازم تظبط خطتك علي اساس التغيير دا .

ايه هو التثقيف المالى ……..
بيظهر ان التثقيف المالي الشخصي حاجه صعبه وغامضه لكنه مش كدا. هوا في الواقع بسيط كفايه عشان يفهمه أي شخص في 10 جمل بسيطة:

  1. اصرف أقل من اللى بتكسبه
  2. ابدأ في إنشاء ميزانية الطوارئ على طول
  3. ‘الغد’ مجرد عذر مفيش وجود ليه. لازم تبدأ النهارده في أي حاجه عاوز تحققها.
  4. لازم تغير طريقة تفكيرك وكل حاجة بايدك وطول ما انت مصمم و عاوز تحقق حاجه مفيش حد يقدر يمنعك .
  5. اللي بيتظاهروا بالغنى عايشين كذبة.
  6. ادفع الديون الخاصة بيك.
  7. اعمل مصادر متعددة للدخل.
  8. “الثقافة المالية هي 20 ٪ معرفة و80 ٪ تطبيق” – ديف رامزي
  9. الدخل مش بيحدد الثروة لكن التصرف الكويس في الفلوس هو المعيار.
  10. أنت محتاج لميزانية وخطة لأموالك.

المهم أنك تفهم عادات الإنفاق بتاعتك وأنك تعمل علاقة كويسة مع اموالك وأنك تكون حكيم معاها ومتنساش ان سعادتك كلها بين ايديك!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى