التحليل المالي: دور الإﺟﺮاءات اﻟﺘﺤﻠﻴﻠﻴﺔ في المراجعة والتدقيق

الإجراءات التحليلية “Analytical Procedures” هي تقنيات بتُستخدم في التدقيق المالي والتحليل لتقييم المعلومات المالية من خلال المقارنة والتحليل، الإجراءات دي بتشمل استخدام نسب واتجاهات ومقارنات المعلومات المالية، واحد من أهدافها الرئيسية هو تحديد المخاطر المحتملة ومجالات الاهتمام.

الإجراءات التحليلية هدفها كمان تقييم البيانات المالية العامة، وتقييم فاعلية الضوابط الداخلية، وزيادة كفاءة عملية التدقيق، وتوفير معلومات قيمة لاتخاذ القرارات، وممكن تنفيذها في مراحل مختلفة من عملية التدقيق أو التحليل، بالاضافة للتخطيط والاختبار الفعال والمراجعة العامة، ممكن كمان تنفيذها يدوي أو بمساعدة برامج الكمبيوتر.

التحليل المالي والمراجعة بيساهموا في اكتشاف الاحتيال والمخاطر المحتملة في البيانات المالية.

ويليام ديسموند

إقرأ المزيد: ازاي تعمل تقرير تحليل مالي لاول مرة؟

شرح الإجراءات التحليلية Analytical Procedures

الإجراءات التحليلية ممكن تكون فعالة في مجال التدقيق المالي والتحليل، ومن بين التحديات اللي بتواجهها الإجراءات دي توافر البيانات وجودتها والموضوعية وقيود التقنيات والتحديات الخاصة بالصناعة وتفسير النتائج.

يلا نفهم أهميتها وأنواعها والتحديات اللي بتقابلها:

أهمية الإجراءات التحليلية

• زيادة الكفاءة: بتساعد الإجراءات التحليلية المدققين والمحللين على تحديد مشكلات البيانات المالية المحتملة بسرعة من خلال تحديد المخاطر المحتملة في وقت مبكر من عملية التدقيق أو التحليل، ممكن للمدققين والمحللين تخطيط أعمالهم بشكل أكتر فاعلية يحسّن الكفاءة العامة.
• تحسين جودة التقارير المالية: ممكن كمان تساعد في تحديد الأخطاء والغفوات أو غيرها من الشذوذ في البيانات المالية، ومن خلال تحديد المشكلات دي، ممكن للمدققين والمحللين ضمان دقة واكتمال التقارير المالية.
• تعزيز تقييم المخاطر: بتساعد المدققين والمحللين في تقييم مخاطر التحريفات المادية في البيانات المالية من خلال تحديد مجالات المخاطر المحتملة، ممكن للمدققين والمحللين وضع إجراءات التدقيق أو التحليل المناسبة للحد من المخاطر دي.
• اتخاذ قرارات أفضل: بتوفر معلومات قيّمة للإدارة والمستثمرين وأصحاب المنشأة.

تحديات الإجراءات التحليلية

التحديات اللي بتواجه التحليلات دي هي:

1. توافر البيانات وجودتها: لازم تكون فيها بيانات مالية موثوقة ومظبوطة، لو البيانات مش متاحة أو مش بجودة كويسة، فنتائج التحليل ممكن تكون غير موثوقة.
2. الموضوعية: لازم يكون فيها حكم وتفسير، وبكدا يكون موضوعي، النتائج بتاعة التحليل ممكن تبقى من وجهة نظر المدقق أو المحلل وافتراضاتهم الشخصية وده مش صحيح لازم يكون فيه تفسير لكل حاجة.
3. قيود الأساليب: فيها قيود زي عدم القدرة على اكتشاف الاحتيال أو الأخطاء اللي مش سهل تتعرف عليها.
4. تحديات متخصصة في بعض الصناعات: في بعض الصناعات بتكون التحليلات أصعب، زي صناعة التكنولوجيا، البيانات فيها بتكون معقدة أكتر أو صعبة في التفسير.
5. تفسير النتائج: نتائج التحليلات ممكن تكون صعبة، خاصة لو كانت غير عادية، المدققين والمحللين لازم يقدروا يحللوا نتائج التحليلات ويحددوا لو كان في حاجة لمزيد من التحقيق.

أنواع الإجراءات التحليلية

بعض أنواع طرق التحليل:

• تحليل الاتجاه: بيتضمن تحليل الاتجاه مقارنة البيانات المالية من فترة للتانية لتحديد الاتجاهات أو التغيرات على مر الزمن، ممكن ده يساعد المحللين والمدققين في تحديد المجالات المثيرة للقلق أو تقييم أرصدة البيانات المالية.
• تحليل النسب: بيشمل تحليل النسب على مقارنة النسب المالية بمعايير الصناعة أو النتائج للسنين اللي فاتت أو عوامل تانية، ممكن ده يساعد المحللين والمدققين تقييم الصحة المالية للمؤسسة وتحديد المجالات المحتملة للمخاطر.
• تحليل الانحدار: يتضمن تحليل الانحدار استخدام تقنيات إحصائية لتحديد العلاقات بين المتغيرات المالية المختلفة، ممكن للمحللين والمدققين تحديد المجالات المحتملة للقلق أو تطوير نماذج للتوقعات المالية.
• تحليل الاختلافات: تحليل الاختلافات بيضم مقارنة النتائج المالية الفعلية بنتائج الميزانية أو المتوقعة لتحديد التباين، ممكن للمحللين والمدققين تحديد المجالات المثيرة للقلق أو تقييم فعالية ضوابط الرقابة الداخلية.
• تحليل المعقولية: تحليل المعقولية بيشمل مقارنة المعلومات المالية مع مصادر بيانات خارجية، زي المتوسطات الصناعية أو المعلومات المالية المتاحة للجمهور، ممكن للمحللين والمدققين تقييم معقولية أرصدة البيانات المالية وتحديد المجالات المحتملة للمخاطر.

خطوات تنفيذ الإجراءات التحليلية

إعداد الإجراءات التحليلية بيتكون من عدة خطوات، بما فيها التخطيط وتنفيذ العمليات وتقييم النتائج، ودي بعض الخطوات العامة لأداء طرق التحليل:

1. التخطيط: تحديد هدف الإجراءات المبدئية ومجالات التركيز والبيانات المالية المطلوبة ومصادر البيانات، لازم مراعاة توافر البيانات وتكون موثقة، وكمان أي قيود محتملة على البيانات.
2. تنفيذ الإجراءات: جمع وتحليل البيانات المالية باستخدام الإجراءات المحددة، ممكن يشمل ده حساب النسب، وإجراء تحليل الاتجاه وإجراء تحليل الاختلافات أو استخدام تقنيات تانية حسب المطلوب.
3. تقييم النتائج: تقييم نتائج الإجراءات لتحديد ما إذا كانت متوافقة مع التوقعات، لو كانت النتائج غير عادية، لازم يكون فيه مزيد من التحليل والفحص لتحديد السبب، شوف تأثير المشكلات على البيانات المالية ولو فيه حاجة لإجراء مزيد من الاختبارات أو التقييم.
4. توثيق الإجراءات: وثق الإجراء المُنفذ، بما فيها مصادر البيانات والتقنيات المستخدمة والنتائج، كمان سجل أي مشكلات محددة والإجراءات اللي تم اتخاذها لحلها.
5. توصيل النتائج: وصّل نتائج الإجراءات للإدارة أو المدققين أو أي أطراف تانية حسب الحاجة، وقدم أي رؤى أو توصيات معتمدة على نتائج طرق التحليل.

أمثلة على الإجراءات التحليلية

خلينا نفهم الإجراءات التحليلية بالأمثلة اللي جايه:

مثال رقم 1

لو افترضنا إن شركة “ABC” بتجهز بياناتها المالية لسنة بتنتهي في 31 ديسمبر 2022، المدقق المالي عايز يستخدم الإجراءات التحليلية عشان يلاحظ أي تغيرات مهمة في الإيرادات خلال السنوات التلاته اللي فاتوا، المدقق لقي أرقام للإيرادات وهي:

• السنة المنتهية في 31 ديسمبر 2022: 10,000,000 دولار.
• السنة المنتهية في 31 ديسمبر 2021: 9,000,000 دولار.
• السنة المنتهية في 31 ديسمبر 2020: 8,000,000 دولار.

عشان يعمل التحليل، المدقق هيحسب أول حاجة التغير النسبي في الإيرادات بين كل سنة، زي كدا:

• التغير النسبي من 2021 لـ 2022: ((10,000,000 – 9,000,000) / 9,000,000) × 100 = 11.1%
• التغير النسبي من 2020 لـ 2021: ((9,000,000 – 8,000,000) / 8,000,000) × 100 = 12.5%

بعد كده المدقق هيقارن التغيرات النسبية عشان يحدد إذا كان فيه أي اتجاهات مهمة أو تغيرات على مدى الـ 3 سنين اللي فاتوا، في الحالة دي تحليل الاتجاه بيوضح إن كان في زيادة مستمرة في الإيرادات خلال التلات سنين اللي فاتوا، مع زيادة مهمة قدرها 11.1% من سنة 2021 لـ 2022، بكدا ده ممكن يكون مؤشر إيجابي على الصحة المالية وأداء الشركة.

بعد كده المدقق هيقدر يدرس الموضوع أكتر عشان يحدد أسباب الزيادة في الإيرادات، زي التغيرات في ظروف السوق أو عمليات الأعمال، ده هيساعد في تحديد المجالات المحتملة للمخاطر أو القلق وهيساعد كمان في تحديد النهج العام للتدقيق.

مثال رقم 2

“أمازون” أكبر متجر على الإنترنت في العالم، بيستخدم الإجراءات التحليلية عشان يقّيم سلوك وتفضيلات العملاء وياخد قرارات مستندة للبيانات عشان يحسّن عملياته وأرباحه. مثال على كده هو استخدام “أمازون” لتحليلات العملاء عشان يحدد المنتجات الأكتر شهرة بين فئات العملاء المختلفة ويعدل توصياته للمنتجات وجهود التسويق وفقًا لكدا.

ومن خلال تحليل مشتريات العملاء واستفسارات البحث والسلوكيات التانية، “أمازون” بيقدر يحدد الأنماط والاتجاهات في سلوك العملاء ويعدل عروض منتجاته ورسائل التسويق عشان يشوف احتياجات وتفضيلات العملاء بشكل أفضل.

الخلاصة

الإجراء التحليلي في التدقيق هو عملية تقييم المعلومات المالية باستخدام تقنيات زي تحليل الاتجاهات والنسب وتحليل الاختلافات لتحديد العلاقات والاتجاهات اللي بتشير للمخاطر المحتملة أو المشكلات في القوائم المالية. تحليل المخاطر في الإجراءات التحليلية بيكون مهم في عملية التدقيق، عشان بيتيح للمدققين فهم أعمق للمنظمة اللي بيتم تدقيقها وتحديد المجالات اللي ممكن تكون فيها مخاطر محتملة واللي ممكن تأثر على دقة القوائم المالية.

مهم: ازاي تكون محلل مالي وتشتغل استشاري للمشاريع الصغيرة؟

إجراءات التحليل الجوهرية هي نوع من إجراءات التدقيق اللي بتشمل تحليل البيانات المالية والعلاقات عشان يكون عندها أدلة بخصوص دقة واكتمال أرصدة البيانات المالية أو المعاملات، وبيتم تنفيذ الإجراءات دي لاختبار أرصدة الحسابات أو المعاملات عشان تلاقي أدلة التدقيق اللي بتدعم تأكيدات القوائم المالية.