في الدنيا دي، البيانات عاملة زي اللغة اللي بتخلينا نفهم حاجات كتير، فلو انت عايز تعرف قصة الشركة وكل حاجة عنها من ميزانية والارباح والخساير الخاصة بيها، وكمان التدفق النقدي كل ده ممكن تعرفه من خلال بيانات الشركة بأنواعها المختلفة اللي هنوضحها ليك، كمان هنتكلم عن كام حاجة في التدوينة دي هتساعدك تعرف إزاي تقرا البيانات بكل سهولة من خلال الارقام.
إقرأ المزيد: ازاي تدير رأس مالك صح في البورصة؟
بيانات الشركة المالية
أول حاجة لازم تعرفها هي البيانات المالية، دي بتتكون من ميزانية الشركة، وحساب الأرباح والخساير، وتقرير التدفق النقدي، وهكلمك دلوقتي عن كل واحدة من الحاجات دي:
- الميزانية بتورينا حاجات مهمة اسمها عن الشركة وهي الأصول والخصوم وحقوق الملكية.
- بالنسبة للأرباح والخساير بتوضحلنا إزاي الشركة بتكسب وتخسر في الفترة اللي احنا عايزينها.
- أما بقي التدفق النقدي بيساعدنا نعرف قد إيه الشركة قادرة تجيب فلوس من النشاط اللي بتعمله.
المؤشرات المالية
تاني حاجة لازم تركز عليها هي المؤشرات المالية، ودي عبارة عن أرقام بتقيس أداء الشركة وبتخلينا نقارنها مع شركات تانية في نفس القطاع، مثلا مؤشر الربحية بيورينا قد إيه الشركة بتكسب من كل جنيه بتصرفه، كمان مؤشر السيولة بيبينلنا هل الشركة قادرة تدفع ديونها ولا لأ.
التقارير السنوية والربع سنوية
تالت حاجة مهمة محتاج تعرفها هي قراءة التقارير السنوية والربع سنوية الخاصة بالشركى. دي بتبينلنا تقييم الشركة لأدائها وتوقعاتها للمستقبل، وكمان بتبينلنا تفاصيل عن الإدارة واستراتيجية الشركة ومخاطر العمل.
متابعة السوق وتطوير الشركة
وأخيرًا لازم تتابع أخبار الشركة والسوق كويس جدا، لأن ده بيساعدنا اننا نعرف التطورات اللي بتحصل في الشركة والتأثير بتاعها على أداء الشركة وقيمتها، حاجات زي الاستثمارات الجديدة، التوسعات، أو تغييرات في القيادة كل ده بيأثر على الشركة، كمان لازم نتابع أخبار السوق والتغييرات في السياسات والأنظمة، علشان نعرف إزاي ده بيأثر على قطاع الشركة ومنافسيها.
مهم: حيل محاسبية لاكتشاف التلاعب المالي
عمومًا لو عايز تقرا قصة الشركة من خلال الأرقام، لازم تركز على البيانات المالية والمؤشرات والتقارير وأخبار السوق، وافتكر دايما إن قراءة البيانات دي مهارة بتتعلمها بالتجربة والممارسة، فكل ما تتابع أكتر، كل ما هتكون أفضل في تفسير الأرقام وفهم قصة الشركة.
لو كنت عايز تعرف أكتر عن تحليل بيانات الشركات وازاي تقدر تستفيد منها تابعنا علي الفيس بوك.
