الأيام المستحقة الدفع “Days Payable Outstanding” بتقيس متوسط الوقت في الأيام اللي بتاخدها الشركة لسداد دائنيها، وبتتم مقارنتها بمتوسط دورة الدفع للصناعة عشان تعرف إذا كانت سياسة الدفع للشركة قوية ولا ضعيفة.
فلو شوفنا الرسم البياني اللي تحت، هنلاحظ إن “الأيام المستحقة الدفع” لشركة “Colgate” كان مستقر خلال السنين 67.24 يوم، ولما نقارنه مع شركة “Procter and Gamble”، هنلاحظ إن الـ “DPO” لشركة “P&G” بيزيد بشكل مستمر من سنة 2009 وهو دلوقتي مرتفع عند 106.64 يوم.
النجاح بيتبني على تقدير قيمة الأيام المستحقة الدفع والالتزام بها.
إقرأ المزيد: النسبة المتداولة – تحليل السيولة والوضع المالي للشركات
- Advertisement -
معادلة الأيام المستحقة الدفع
معادلة الأيام المستحقة الدفع = الحسابات الدائنة / (تكلفة المبيعات / عدد الأيام)
أو
معادلة الأيام المستحقة الدفع = (الحسابات الدائنة * عدد الأيام) / تكلفة المبيعات
الأيام المستحقة الدفع هي مقياس كبير لمقدار الوقت اللي بتاخدوا الشركة في سداد ديونها لمورديها. بتوضح المعادلة إنه بيتم حساب “DPO” بقسمة إجمالي (نهاية أو متوسط) الحسابات المستحقة الدفع على الأموال المدفوعة يوميًا (أو كل ربع سنة أو شهر).
مثلا لو كان عند شركة قيمة الأيام المستحقة الدفع 40 يوم، ده معناه إن الشركة بتاخد حوالي 40 يوم عشان تسدد المبالغ المستحقة لمورديها أو البائعين في المتوسط.
- Advertisement -
أمثلة تطبيقية علي الأيام المستحقة الدفع
عشان تفهم الموضوع أكتر هنوضحه ليك بأمثلة عملية لشركات مختلفة.
مثال 1
شركة “Comic” مشهورة بدفعها لبائعيها بسرعة، ليها حساب نهائي مستحق الدفع بقيمة 30 ألف دولار، تبلغ تكلفة مبيعاتها 365,000 دولار، احسب عدد الأيام المستحقة الدفع لشركة “Comic”. ده مثال بسيط، كل اللي هنعمله هو إدخال البيانات في المعادلة:
- DPO = نهاية الحسابات الدائنة / (تكلفة المبيعات / عدد الأيام).
- = 30,000 دولار / (365,000 دولار / 365).
- = 30,000 دولار / 1,000 دولار.
- = 30 يوم.
حساب “DPO” للشركة لوحده مش كفاية، لازم نحلل ونشوف الناتج ده بشكل شامل.
مثال 2
هناخد مثال لشركة حساباتها الدائنة لربع سنة بـ 100,000 دولار، وقيمة المخزون في بداية الربع 250،000 دولار، وإجمالي المشتريات اللي تمت خلال الربع 1،000،000 دولار، منها مشتريات نقدية 700،000 دولار، وفضل مخزون 100،000 دولار غير مباع في نهاية الربع.
عشان تحسب الأيام المستحقة الدفع عن ربع السنة يعني 90 يوم، لازم تعمل الخطوات دي:
استخدم البيانات الموجودة لحساب “DPO”
هنبدأ بحساب تكلفة البضاعة المباعة (COGS) باستخدام المعادلة دي:
- تكلفة البضاعة المباعة = 250,000 + 1,000,000 – 100,000
- = 1,150,000 دولار.
دلوقتي هنقدر نحسب الـ “DPO” للربع سنة باستخدام المعادلة اللي فوق:
الأيام المستحقة الدفع = 100,000 دولار * 90 يوم / 1,150,000 دولار
الأيام المستحقة الدفع هتكون:
الأيام المستحقة الدفع = 8 أيام (تقريبًا).
ملحوظة: لازم نوضح إن وقت حساب تكلفة البضاعة المباعة في المثال ده، مش بنبص للشراء النقدي سواء تم الشراء كاش أو بالأجل، لازم يدخل في حساب تكلفة البضاعة المباعة
مثال 3
خلينا ناخد مثال كمان، شركة حساباتها الدائنة للربع من (إبريل لـ يونيو) 100,000 دولار، وللربع من (يوليو لـ سبتمبر) 500,000 دولار وتكلفة البضاعة المباعة لربع (إبريل لـ يونيو) هو 450,000 دولار، وللربع من شهر (يوليو لـ سبتمبر) 500,000 دولار.
لازم نطبق الخطوات اللي جايه لحساب الأيام المستحقة الدفع:
البيانات عن الربع من (إبريل لـ يونيو):
دلوقتي، ممكن نحسب الـ “DPO” للربع باستخدام المعادلة:
الأيام المستحقة الدفع = 100,000 دولار * 90 يوم / 450,000 دولار.
الـ “DPO” هيكون:
الأيام المستحقة الدفع = 20 يوم.
بنفس الشكل هنحسب البيانات عن ربع السنة (يوليو لـ سبتمبر):
دلوقتي، ممكن حساب الـ “DPO” للربع باستخدام المعادلة:
الأيام المستحقة الدفع = 500000 دولار * 90 يوم / 500000 دولار.
الـ “DPO” هيكون:
الأيام المستحقة الدفع = 90 يوم.
من خلال المثال من الواضح إنه في الفترة من (إبريل لـ يونيو)، كانت الشركة بتدفع لدائنيها في 20 يوم، بس في الفترة من (يوليو لـ سبتمبر)، زادت الشركة أيام الدفع المستحقة لـ 90 يوم.
ازاي تفسر الأيام المستحقة الدفع (DPO)؟
عشان الشركة تنجح، لازم تشوف الصورة كلها مش بس حاجة واحدة، من خلال حساب أيام الدفع المستحقة، الشركة بتعرف الوقت اللي بتاخده عشان تدفع لموردينها. بس مش ده لوحده هيفيد الشركة، لازم الشركة تعمل كام حاجة.
- أولا، الشركة لازم تشوف الصناعة ومتوسط الأيام المستحقة الدفع فيها.
- ثانيا، لو أيام الدفع المستحقة للشركة أقل من متوسط الصناعة، فالشركة تقدر تفكر في زيادة أيام الدفع المستحقة، بس الشركة لازم تعرف إن ده مش هيكلفها فوائد أو احتياطيات من الموردين، بما إن الشركة هتراعي الحاجتين دول، لو الشركة تقدر تعمل أيام الدفع المستحقة بتاعتها متساوية مع متوسط الصناعة، الشركة هتقدر تستخدم السيولة المالية بطريقة أفضل على المدى الطويل.
- ثالثا، لو أيام الدفع المستحقة للشركة أكتر من متوسط الصناعة، فالشركة تقدر تفكر في تقليل أيام الدفع المستحقة، عن ولما تعمل كده، هتقدر ترضي الموردين، والموردين هيقدروا يقدموا للشركة شروط وأحكام أفضل.
- رابعا، الشركة لازم تشوف ازاي الشركات اللي في نفس المجال بيتعاملوا مع الأيام المستحقة الدفع، لو الشركة تلاحظ بتركيز هتقدر تشوف نتائج الأسلوب اللي بتتبعه، وبعدين الشركة هيكون عندها فكرة أفضل عن إمكانية زيادة أو تقليل الأيام المستحقة الدفع.
- أخيرا، بجانب الأيام المستحقة الدفع، الشركة لازم تشوف العوامل التانية لدورة التحويل النقدي، أيام المخزون المعلقة وأيام المبيعات المستحقة، التلاتة دول لازم يتعملوا مع بعض عشان يكون فيه فهم كامل، ويكونوا قادرين يطوروا كفاءتهم على المدى الطويل.
ازاي عملية الأيام المستحقة الدفع بتتم؟
فهم العملية بأكملها للأيام المستحقة الدفع هيساعد في فهمها بالتفصيل. الشركة بتحتاج تشتري مواد خام (مخزون) من الدائنين أو الموردين، ممكن المواد الخام تاخدها الشركة بطريقتين، الأولي، الشركة تقدر تشتري المواد الخام بالكاش، وطريقة تانية لشراء المواد الخام هي على الائتمان أو بالأجل.
لو الشركة بتشتري المواد الخام بكمية كبيرة، المورد هيسمح للشركة تشتري على الائتمان وتدفع المبلغ في وقت تاني، الفرق بين الوقت اللي هما بيشتروا فيه من المورد والوقت اللي هما بيدفعوا فيه للمورد بيتسمى الأيام المستحقة الدفع.
دلوقتي، اللي شرحناه فوق هو تبسيط للأيام المستحقة الدفع، بس في الحقيقة الأمور معقدة شوية والشركة لازم تتعامل مع موردين كتير، بناءًا على الوقت اللي الشركة بتاخده عشان تدفع الديون، المورد بيقدم مزايا كتير للدفع المبكر زي الخصم على الطلبيات الكبيرة أو تقليل المبلغ المطلوب، وغيرها.
أمثلة شركات القطاعات المختلفة – الأيام المستحقة الدفع
دي أمثلة توضيحية للأيام المستحقة الدفع (DPO).
قطاع الخطوط الجوية – Airlines Sector
| الشركة | القيمة السوقية (مليار دولار) | الأيام المستحقة الدفع |
|---|---|---|
| American Airlines Group | 24,614 | 35.64 |
| Alaska Air Group | 9,006 | 14.86 |
| Azul | 7,283 | 71.19 |
| China Eastern Airlines | 9,528 | 47.23 |
| Copa Holdings | 5,788 | 30.49 |
| Delta Air Lines | 39,748 | 60.12 |
| Gol Intelligent Airlines | 21,975 | 58.62 |
| JetBlue Airways | 6,923 | 38.72 |
| LATAM Airlines Group | 8,459 | 60.48 |
| Southwest Airlines | 39,116 | 59.36 |
| Ryanair Holdings | 25,195 | 26.79 |
| United Continental Holdings | 19,088 | 57.42 |
| China Southern Airlines | 9,882 | 13.30 |
- شركات الطيران عندها شروط دفع متنوعة بتنعكس على أيام الدفع المستحقة.
- شركة “China Southern Airlines” عندها أقل دفع مستحق وهو 13.30 يوم، وخطوط “LATAM Airlines Group” الجوية عندها أعلى مبلغ في المجموعة دي بـ 60.48 يوم.
قطاع السيارات – Automobile Sector
| الشركة | القيمة السوقية (مليار دولار) | الأيام المستحقة الدفع |
|---|---|---|
| Ford Motor | 50,409 | 0.00 |
| Fiat Chrysler Automobiles | 35,441 | 86.58 |
| General Motors | 60,353 | 64.15 |
| Honda Motor Co | 60,978 | 37.26 |
| Ferrari | 25,887 | 124.38 |
| Toyota Motor | 186,374 | 52.93 |
| Tesla | 55,647 | 81.85 |
| Tata Motors | 22,107 | 134.66 |
- هنلاحظ شروط دفع متنوعة وأيام دفع مستحقة بتتراوح من 0.00 يوم لـ 134.66 يوم.
- أيام الدفع المستحقة على “Ford Motor” هي 0 أيام، وشركة “Tata Motors” هي 134.66 يوم.
محلات التخفيضات – Discount Stores
| الشركة | القيمة السوقية (مليار دولار) | الأيام المستحقة الدفع |
|---|---|---|
| Burlington Stores | 8,049 | 70.29 |
| Costco Wholesale | 82,712 | 27.87 |
| Dollar General | 25,011 | 36.19 |
| Dollar Tree Stores | 25,884 | 30.26 |
| Target | 34,821 | 55.11 |
| Wal-Mart Stores | 292,683 | 40.53 |
- محلات “Wal-Mart” عندها أيام دفع مستحقة 40.53 يوم، في حين إن محلات “Burlington” هي الأعلى في المجموعة دي عند 70.29 يوم.
قطاع النفط والغاز – Oil & Gas Sector
| الشركة | القيمة السوقية (مليار دولار) | الأيام المستحقة الدفع |
|---|---|---|
| ConocoPhillips | 62,980 | 100.03 |
| CNOOC | 62,243 | 104.27 |
| EOG Resources | 58,649 | 320.10 |
| Occidental Petroleum | 54,256 | 251.84 |
| Canadian Natural | 41,130 | 30.08 |
| Pioneer Natural Resources | 27,260 | 120.03 |
| Anadarko Petroleum | 27,024 | 312.87 |
| Continental Resources | 18,141 | 567.83 |
| Apache | 15,333 | 137.22 |
| Hess | 13,778 | 54.73 |
- بشكل عام، أيام الدفع هنا بيكون أعلى من القطاعات التانية اللي بتتراوح من شهرين لـ 19 شهر.
- شركة “Continental Resources” عندها يوم مستحق الدفع 19 شهر، وأيام “Canadian Natural” هي شهر واحد.
ازاي بيتم حساب دورة التحويل النقدي؟
عشان نفهم الأيام المستحقة الدفع “DPO”، مهم إننا نفهم ازاي بيتم حساب دورة التحويل النقدي. الشركة هنا بتحتاج تحسب 3 حاجات:
أولا: حساب أيام المخزون المعلقة الـ “DIO”
DIO = المخزون / تكلفة المبيعات * 365
ثانيا: حساب أيام المبيعات المعلقة الـ “DSO”
DSO = حسابات القبض / إجمالي مبيعات الائتمان * 365
ثالثا: حساب الأيام المستحقة الدفع الـ “DPO”
DPO = الحسابات الدائنة / (تكلفة المبيعات / 365)
أخيرا: نضيف الـ”DIO” و الـ”DSO”، ونخصم الـ”DPO” من المجموع.
هي دي الطريقة اللي بيتم بيها حساب دورة التحويل النقدي.
- الـ”DIO” هو الوقت اللي بتاخده الشركة لتحويل المخزون لمبيعات.
- الـ”DSO” هو الوقت اللي بتحتاجه الشركة لتحصيل الفلوس من المدينين.
- الـ”DPO” هو الوقت المتاح للشركة لسداد الفلوس لدائنيها.
لو بصينا للتلاتة، هنلاقي الدورة الكاملة للنشاط التجاري اكتملت، من بداية المخزون للتحصيل النقدي.
مهم: دورة تحويل النقد: التعريف والأهمية والمعادلات المستخدمة مع الأمثلة
في نهاية كلامنا
نقدر نقول إن الأيام المستحقة الدفع بتعكس مدى استدامة وقوة الشركة المالية. بفهمنا لكيفية حساب الوقت اللي بتاخده الشركة لسداد دائنيها، ممكن نكون على دراية بكيفية إدارة التدفقات المالية بكفاءة. الأمور المالية ممكن تبان غامضة ومش واضحة في البداية، ولكن مع التعلم والتطوير المستمر، ممكن نخليها جزء من رحلتنا تجاه نجاح الأعمال.
