فيسبوك الانستغرام يوتيوب
    • ABOUT
    • TERMS OF USE
    • PRIVACY POLICY
    • Contact Us
    فيسبوك يوتيوب
    باش محاسبباش محاسب
    WhatsApp
    • الرئيسية
    • تأسيسى
    • اكسل

      5 أفلام في مجال التسويق – أفلام مفيدة لعشاق التسويق

      مارس 10, 2022

      القواعد الــ 48 لتصبح الرجل الأكثر نفوذًا فى موقعك – كتاب كيف تمسك بزمام القوة

      مارس 9, 2022

      قصة نجاح تطبيق Instagram

      مارس 8, 2022

      أهم 10 مقولات لعمالقة التسويق ! نصايح مهمة عن التسويق

      ديسمبر 25, 2021

      شروط موظف المبيعات اللى تشغله فى شركتك | ملخص كتاب The Knack

      ديسمبر 25, 2021
    • تحليل مالي
    • اقتصاد
    • استثمار
    باش محاسبباش محاسب
    الرئيسية»تحليل مالي»ازاي تعمل تحليل مالي مظبوط لشركتك
    تحليل مالي

    ازاي تعمل تحليل مالي مظبوط لشركتك

    bash mohasbبواسطة bash mohasbيناير 17, 2023آخر تحديث:يناير 17, 2023لا توجد تعليقات5 دقائق
    فيسبوك تويتر لينكدإن البريد الإلكتروني تيلقرام واتساب
    ازاي تعمل تحليل مالي مظبوط لشركتك
    شاركها
    فيسبوك تويتر لينكدإن البريد الإلكتروني تيلقرام واتساب

    تحليل القوائم المالية هو الكود اللي بنفك بيه شفرة القوائم المالية بتاعتنا و اللي بيساعدنا نفهم معني الأرقام اللي معروضة في القوائم المالية، وعشان يكون التحليل المالي بتاعك مظبوط والتقارير اللي انت بتعملها فعلا مفيدة ومهمة في الـ Decision Making لازم تعدي علي خطوات معينة.

    استمرارية ونجاح الشركات في السوق بتعتمد علي تحليل بيانات الماضي ومعاملات الحاضر وخطط المسقبل.

    الـ Preparation او التجهيزات

    عشان تعمل Analysis لأي حاجه في الدنيا لازم تكون فاهمها كويس، بمعني ان انت لازم تقرا القوائم المالية بتاعت الشركة وتكون فاهم كل رقم هتبدأ تعمله Analysis:

    1. اتحسب ازاي؟
    2. ايه الـ Accounting Policies اللي اتعمل بناءا عليها، وده طبعا بيكون موجود في الـ Disclosures او الايضاحات المرفقة بالقوائم المالية.

    وده الـ Preparation او التجهيزات اللي انت محتاج تعملها قبل أي حاجة تانية.

    تحليل النسب المالية

    الـ Ratio Analysis او النسب المالية

    دي الـ Step اللي اغلبنا بيبدأ بيها عطول من غير ما يعدي علي الـ Step الاولي، و بيكون الهدف منها ان انت تطلع شوية نسب مالية بتحكم علي الـ Working Capital بتاع الشركة و الادارة للموارد بتاعتها، بس من غير ما تكون عامل الخطوة الأولي ممكن ما تقدرش تحدد العلاقة اللي بينهم بشكل سليم فخلي بالك!

    الـ Ratio Analysis او النسب المالية بتديلك تنبأ عن الاداء بتاع البيزنس، زى نسب السيولة اللى بتحدد قدرة الشركة على سداد التزاماتها على الـ Short run ونسب الـ Activity اللى بتقيم كفاءة بتاعت الـ operations وهكذا.

    وكلنا عارفين ان التفسير بتاع النسب وتحديد اذا الرقم ده Good indicator ولا bad indicator ده بيعتمد على المقارنة بالقوائم المالية للشركات المنافسة والـ industry average وقوائم الشركة لسنين سابقة.

    بس عشان التفسير يبقى مظبوط لازم تاخد بالك من بعض الحاجات اللى بتأثر على نتائج الـ Analysis زى:

    • لازم تاخد فى اعتبارك ان بعض الـ accounting data بتبقى نتيجة تقديرات ودى حاجة بتختلف من شركة للتانية.
    • دايما بيقولوا ان الادارة بيكون عندها حافز انها تظهر القوائم المالية فى أحسن شكل عشان البيزنس يبان أقوى.
    • وخد بالك ان المقارنة مابين الشركات بتبقى نتايجها ضعيفة لو كل واحدة عندها fiscal year مختلفة عن التانية.
    • برضه المقارنة ممكن نتايجها تبقى ضعيفة بسبب الاختلاف فى السياسات المحاسبية.
    • وأخيرا خد بالك من الـ earnings Stability لأن لو الـ earnings فيها variation عالى من فترة للتانية، دى كمان تخلى نتائج الـ ratios ضعيفة.

    وكمان لازم تعرف توجه ادارة الشركة ايه “الهدف” بتاعها، لأن ده اللي هيحدد هل الشركه حققت اهدافها ولا لأ؟ يعني مثلا لو الشركة كان هدفها زيادة الربحية هيختلف عن لو كان هدفها زيادة السيولة في الشركة، مينفعش اقيس ratios لشركه إلا لما اعرف اهدافها كانت ايه في الفترة محل الدراسة.


    بإختصار لو الهدف من ال analysis انك تعمل performance evaluation يبقى محتاج تعرف الـ target كان ايه؟ عشان تقارنه بالنتائج الفعلية اللى ظهرت من الـ analysis وتشوف الأهداف اتحققت ولا لأ؟

    لكن لو الـ objective انك تتعرف على الوضع المالى للشركة ومدى قوتها فأنت محتاج تقارن الـ ratios بالمنافسين والـ industry average بغض النظر عن أهداف الشركة وتوجهاتها.

    الـ Trend & Cross Sectional Analysis

    هنا بتبدأ تقارن أداء الشركة بناءا علي النسب المالية بتاعت السنة الحالية بالنسب المالية بتاعت السنين اللي فاتت، عشان تحدد الـ Trend بتاع الشركة عامل ازاي؟ و كمان تقارن اداء الشركة بالـ Industry Average لكل الشركات اللي بتشتغل في نفس المجال بتاعك عشان تعرف هل انت ادائك مقبول ولا لأ؟

    الـ Trend Analysis

    هو تحليل الاتجاه العام بالنسبة للشركة عن طريق مقارنة نتايجها خلال الفترة بنتايجها خلال الفترات اللي فاتت وده طبعا بيخلي الادارة قادرة دايما ان هي تشوف تطور الأداء بتاعها و كمان تقدر تاخد بالها من نقط الضعف اللي موجودة.

    و الـ Horizontal Analysis يعتبر من أهم الـ Techniques اللي بتساعدنا و احنا بنعمل الـ Trend Analysis و اللي بيعتمد علي انه يختار فترة و دي اللي بنسميها الـ Base Period و يبدأ يقارن نتايج الفترات اللي بعدها بيها.

    الـ Cross Sectional Analysis

    ده التقرير اللي بيقارن ادائي كشركة بالمنافسين اللي معايا في السوق عن طريق ان احنا دايما بنقارن أرقامنا بالـ Industry Average أو متوسط نتايج الشركات اللي بتشتغل معايا في نفس الصناعة.

    و هنا بقي هيبقي الـ Technique الأنسب اللي هنشتغل بيه هو الـ Vertical Analysis او التحليل العمودي وده بنشتغله علي أساس ان احنا نعرف نسبة كل Item في الميزانية بتاعتنا كام من الـ Assets و كمان نسبة كل Item في قايمة الدخل بتاعتنا بالـ sales revenue.

    و عشان الشركات بتختلف في حجم الموارد بتاعتها اللي بتستخدمها عشان تحقق النتائج بتاعتها فاكيد مش هتعرف تقارن نتايج شركة رأس مالها مليون جنيه باداء شركة تانية راس مالها 10 مليون وعشان كده المحلل المالي بيقلب الـ Results دي لنسب من خلال الـ Ratio Analysis.

    و بكده الـ Report بتاعك هيكون مقارنة الـ Ratios بتاعت الشركة بمتوسط الـ Ratios بتاعت الشركات اللي حواليك.

    السؤال الاعتراضي هنا طيب ما هو في عوامل تانيه هتأثر علي الـ Ratios وده هيخلي مقارنة شركة شغاله بقالها سنة لما تتقارن بمتوسط السوق هتبقي مقارنة ظالمه حبتين!

    هي دي أصلا فكرة الـ Benchmarking او المرجعية، بما ان انت لسه موجود في السوق جديد بتحكمك أهداف المرحله دي زي مثلا تحقيق Gross Profit معين عشان تقدر تكمل في السوق أو ممكن تكون تحقيق الكفاءة في المصاريف التسويقية اللي انت بتصرفها، وبما ان هي دي أهم الـ Factors اللي بتحكم بيها علي أدائك خلال المرحلة دي يبقي انت محتاج توصل فيها لأعلي نتيجة ممكنة و تحاول دايما توصل الـنتائج دي ان هي تبقي قريبة من الـ Industry Average بتاعك.

    وهي دي أصلا الفكرة الأساسية اللي بتخليني اعمل Cross Sectional Analysis واقارن نفسي بالعمالقة اللي في السوق.

    شاركها. فيسبوك تويتر لينكدإن البريد الإلكتروني تيلقرام واتساب
    bash mohasb
    • موقع الويب

    المقالات ذات الصلة

    تقارير مالية لتحليل اداء الشركات

    يناير 17, 2023

    حيل محاسبية لضبط واكتشاف التلاعب المالي

    أكتوبر 30, 2021

    المحلل المالي الفاهم مين هو والهدف منه | بناء التقارير المالية

    أغسطس 18, 2021
    اترك تعليقاً

    اترك تعليقاً إلغاء الرد

    فيسبوك تويتر الانستغرام يوتيوب واتساب تيلقرام
    • HOME
    • ABOUT
    • Contact Us
    العلامة التجارية وجميع الحقوق محفوظة © 2022 صمم بواسطة elsayed ghibaish

    اكتب كلمة البحث ثم اضغط على زر Enter