إزاى تفتح مشروع ناجح اون لاين اتكلمنا فى الموضوع اللى فات عن ان النشاط التجارى اون لاين وفتحك لصفحه فيس والبيع من خلالها بيوفرلك فى تكاليف مشروعك كتير .. النهارده هنجاوب عن اكتر سؤال بيتسأل من كل الناس المكسله تشتغل فى المجال ده بسبب هيا مش عارفه تشترى البضاعه منين ..
إزاى تفتح مشروع ناجح اون لاين
ودلوقتي هنتكلم عن مجموعة من المشاريع الاونلاين اللي ممكن تعملها :
- ملابس.
- منتجات 2.5 و 7.5
- الشنط الحريمي.
- الادوات المنزلية.
- القماش.
إزاى تفتح مشروع ملابس ناجح اون لاين
وهنبدأ ” بالملابس ” ويمكن هيا من اكتر الحاجات اللى بتتباع اون لاين.
الملابس بشكل عام ممكن تشتريها من مصانع والمصانع دى كتير وفى اماكن مختلفه كل اللى عليك تدخل جوجل او يلو بيدجز وتكتب فى البحث “عناوين مصنع ملابس “.
- Advertisement -
هايطلعلك اسماء لمصانع كتيره وارقامهم ممكن تتواصل مع المصانع القريبه منك.
كذلك انت لما تنزل تروح المصنع ده لازم تعرف انه هيتبسط بيك ليه ؟؟ لانه عايز يبيع وانت هتبقى عميل عنده.
كذلك برده لان المصانع دى اغلبيتها بيبقه عندها مشكله تسويق يعنى عندها بضاعه كتيره ومش عارفه تسوقها زى المصانع الكبيره ..
انت ممكن تروح تشترى اللبس اللى انت شايف انه هيتباع بسهوله وزوقه حلو ومش شرط تشترى بالدسته ممكن تتفاهم معاهم وتشترى نص دسته ..
وفى ناس بتعمل حاجه حلوه بتنزل تصور اللبس وتعرضه على صفحه الفيس اون لاين ولما حد يطلبه منها بتعمل اوردر للمصنع بالبضاعه أهم حاجتين تاخد بالك منهم وانت بتشترى ..
- Advertisement -
الحاجه الاولى : لو مثلا لقيت تيشرت جمله بـ 50 جنيه لازم تسال نفسك هتقدر تبيعه بالسعر دا فى حاله انك ماعرفتش تبيعه بمكسب بحيث انك ماتخسرشى فيه.
كذلك الحاجه التانيه : انك لازم تتفق مع المصنع دا انك ترجعله اى حاجه فيها ديفوهات او عيوب تصنيع خلال فتره معينه.
ودي اجابتنا علي سؤال ” إزاى تفتح مشروع ناجح اون لاين “.
طيب ايه هيا الاماكن التانيه اللى ممكن تشترى منها ؟؟
– انزل ميدان العتيه هتلاقى فيه مكاتب فى العمارات اللى هناك – الموسكى وهتلاقى هناك تنوع كتير اوى.
– شارع الترعه البولاقيه بعد نفق شبرا على اليمين.
– القنطره وهتلاقى هناك لبس مستورد كتير.
– المحله الكبرى.
إزاى تفتح مشروع منتجات 2.5 و 7.5 اون لاين
“منتجات 2.5 و 7.5 ” المنتجات دى بتتباع بشكل كبير اون لاين برده لانها بتبقى رخيصه ودى هتتجاب منين ؟
– الفجاله قدام محطه مصر هتلاقى فى الشوارع الجانبيه بضاعه كتير وبتتباع بالدسته.
– درب سعاده فى الموسكى.
– النزهه.
إزاى تفتح مشروع شنط حريمي ناجح اون لاين
كذلك ” الشنط الحريمى ” اسعارها دايما بتكون نسبيا غاليه فى المحلات مع ان بالجمله بتكون اسعارها حلوه اوى وهتتباع هوا معاك ودى هاتجيبها من “درب اّيه” فى باب الشعريه.
إزاى تفتح مشروع ادوات منزلية اون لاين
كذلك ” الادوات المنزلية ” هاتروح تشتريها من “أبو النمرس” بعد المنيب.
إزاى تفتح مشروع تفصيل قماش اون لاين
كذلك “القماش ” ده لو عندك هواية التفصيل وعندك ماكينه خياطه وعايز تعمل شغل بايدك ..
هاتجيب القماش من “المطرية شارع الترولى” وهتلاقى القماش بيتباع بنص التمن وبيتباع بالكيلو.
وبكده نكون غطينا نسبه كبيره من اماكن الشرا لاهم المشاريع اون لاين , انت بقه قررت تبدأ بأيه ؟! .. لوعندك نيه اتكل على الله وابدأ وبطل كسل واسعى وبكره مشروعك الصغير يكبر.
كذلك لو حابب تأخد فكرة أكتر عن مشاريع الاونلاين تابع قسمنا :
وعشان تقدر تتعرف علي المزيد من الموضوعات الجديدة تابعنا علي صفحة الفيس بوك من هنا :
