إزاى تحمي فلوسك لو الجنيه لبس العوامة ؟ كلنا سمعنا خلال اليومين الى فاتو عن خبر ” تعويم الجنيه ” وده كان الخبر الى شاغل تفكير الناس خلال الفتره الى فاتت وطبعا بسبب التأثير السلبى لو فعلا ده حصل !! بس حتى الان مافيش اخبار مؤكده من البنك المركزى أو الحكومة بتعويم الجنيه ولكن كانت كلها تكهنات .. ومصدر الخبر من شركة بلوتن فاينناشال لتوقعها بتعويم الجنيه خلال ساعات.
إزاى تحمي فلوسك لو الجنيه لبس العوامة
ودلوقتى اهم حاجه لازم نعرفها .. هوه ايه تعويم الجنيه ؟؟ وهيأثر علينا فى ايه ؟؟ والأهم ازاى انا احمى نفسى وفلوسى من القرار ده لو حصل فعلا ؟؟
ايه هوه تعويم الجنيه ؟
المقصود بالتحديد تعويم الجنيه امام الدلار وهوه ان البنك المركزى يخلى سعر الجنيه قابل للطلب والعرض.
بمعنى ان مش هيكون فيه سياسة نقدية لتثبيت سعر الجنيه مقابل الدولار عند 8.88 ..
- Advertisement -
أو بمعنى أخر انهم هيخلو الجنيه يظهر بقيمته الحقيقية وغالبا هتكون قريبه من السعر فى السوق الموازى الى هوه 13 جنيه …
يعنى من الاخر تعويم الجنيه هيخلى سعر الجنيه ينخفض امام الدولار وده ليه ؟
لان الطلب علي الدولار كبير جدااا وفى نفس الوقت فيه ندره وعدم وجوده، بالتالى هيرتفع سعر الدولار ويقل الجنيه ( وطبعا اسباب ندره الدولار هى انخفاض المصادر الى بنحصل عليه.
منها زى ( السياحة وقناة السويس وتحويلات الدولار من العامليين بالخارج ).
ليه هيعومو الجنيه ؟
ببساطه لان مصر بتحتاج بتصرف 90 مليار دولار سنويا فى حين الايراد لا يتعدى 50 مليار دولار سنويا.
- Advertisement -
فهنا فى عجز تقريبا 40 مليار كل سنه مطلوبه من الدوله توفيرها عشان تحافظ على سعر الجنيه قدام الدولار لان الـ 40 مليار دول المفروض ان دلوقتى احنا بنجبهم من المعونات.
كذلك القروض من الدول الاجنبيه أو من الاحتياطى ودا الى مش هنقدر نعمله بعد كده.
تعويم الجنيه هيأثر علينا فى ايه ؟
1/ ارتفاع الاسعار بشكل عام :
وده بسبب ان نسبة كبيرة من السلع الى بنستهلكها مستوردة وبالتالى فسعرها هيزيد جداا بسبب ارتفاع سعر الدولار.
2/ ارتفاع الدين الخارجي :
ببساطه لاننا بندفع الديون بالدولار فبالتالى لما تكون الدوله مطالبة بدفع مليار دولار بدل ماكان بتساوى 9 مليار جنيه هتبقى ب 13 مليار جنيه.
3/ زيادة الصادرات :
المفروض ان ده هيكون من ايجابيات التعويم لان هيخلى عندنا ميزة بأن اسعار منتاجتنا هاتكون رخيصه بعنى بدل ما كنا بنصدر سلعة ب 100 دولار فدلوقتى سعرها هينخفض اكثر من 30% فبالتالى المفروض اننا نصدر اكتر ..
بس السؤال هنا هوه احنا بنصدر اصلا ؟؟!
4/ ارتفاع اعداد السائحين :
لان السياحة عندنا هتكون رخيصة فبالتالى المفروض ان ده هيزود اعداد الافواج السياحية لان السياحة عندنا هتكون رخيصة
إزاى بقي تحمي فلوسك لو الجنيه لبس العوامة ؟
مبدأيا كده لو محوش فلوسك بالجنيه المصرى وراكنها جمبك اعرف ان قيمتها هاتقل جدا ومش بس عشان التعويم ..
ده كل يوم الدولار سعره بيزيد وبالتالى الاسعار بتزيد وفلوسك قيمتها بتقل .. تعالى اقولك افضل حاجه تحط فيها فلوسك.
الدهب
الدهب التجار بيشتروه بالدولار واى زياده فى سعر الدولار فى مصر هتلاقى الدهب سعره بيزيد برده وبالتالى انته كده حامى فلوسك.
الدولار
كذلك لو تقدر تشترى دولار فى الوقت ده وتعمل بيهم وديعة وتحطهم فى البنك وتنساهم هيكون افضل بكتير من انك تشيل فلوسك جنيهات.
شهادات البلاتينية
الشهادات دى بتدى اعلى عائد على الجنيه وده لو انته مش حابب قصه الدولار او الدهب فممكن تحتفظ بفلوسك بالجنيه بس تحطهم فى الشهادات دى وتاخد عليهم 12.5% سنويا.
كذلك ممكن تعرف موضوعات أكتر عن تعويم الجنيه وعملة البيتكوين من خلال قسم :
تابعنا بردو علي صفحة الفيسبوك عشان تتعرف علي موضوعاتنا الجديدة :
