أيام المخزون المعلقة “Days Inventory Outstanding” هي نسبة مالية بتحسب متوسط عدد الأيام اللي الشركة بتحتفظ فيها بالمخزون قبل ما تبيعه للعملاء، وبكدا بتدي فكرة واضحة عن تكلفة الحفاظ على المخزون وأسباب تأخير بيع المخزون. أي بيزنس بيعتمد على تحويل المخزون لسلع جاهزة.
من غير ما تكون الشركة عندها السلع الجاهزة في ايديها، مش هتقدر الشركة تبيع وتكسب فلوس، عشان كدا المستثمر لازم يشوف عدد الأيام اللي الشركة بتاخدها عشان تحوّل المخزون لمبيعات، أيام المخزون المعلقة هو مقياس مالي بيعرف المستثمر قد إيه الشركة كويسه في إدارة المخزون. في التدوينة دي، هنتعرف على المقياس المالي ده بالتفصيل.
أيام المخزون المعلقة بتمثل التوازن بين تلبية الطلب وتجنب الفائض.
ريتشارد كلير
إقرأ المزيد: تحليل السيولة المالية: الفرق بين النسبة المتداولة والنسبة السريعة مع الأمثلة
- Advertisement -
ايه هو أيام المخزون المعلقة (DIO)؟
كمان في اسم تاني لـ أيام المخزون المعلقة “Days Inventory Outstanding (DIO)” هو أيام مبيعات المخزون “Days Sales of Inventory (DSI)”.
أيام المخزون المعلقة بتعرفنا عدد الأيام اللي الشركة بتاخدها عشان تحوّل المخزون لمبيعات، مثلا نشوف الرسم البياني اللي فوق، كانت قيمة “DIO” لشركة “Colgate” ثابتة خلال السنين السابقة ودلوقتي هي 70.66 يوم. بس لما نقارنها بشركة “Procter and Gamble” هنلاحظ إن قيمة “DIO” لشركة “P&G” انخفض خلال السنين السابقة ودلوقتي هو 52.39 يوم.
معادلة أيام المخزون المعلقة – Days Inventory Outstanding
معادلة أيام المخزون المعلقة (DIO) = المخزون / تكلفة المبيعات * 365
الشرح والتفسير
دورة تحويل النقدية “Cash Conversion Cycle” فيها 3 مكونات رئيسية.
- المكون الأول هو أيام مبيعات المخزون “Days Sales of Inventory”.
- التاني هو أيام المبيعات المعلقة “Days Sales Outstanding”.
- التالت هو الأيام المستحقة الدفع “Days Payable Outstanding”.
ده معناه إننا ممكن نقول بسهولة إن أيام مبيعات المخزون أو أيام المخزون المعلقة هي واحدة من مراحل دورة التحويل النقدي، اللي بتحوّل المواد الخام لنقدية. في المعادلة بنشوف إن المخزون بيتقسم على تكلفة المبيعات، ده بيساعدنا نفهم نسبة المواد الخام في التكلفة الكلية للمبيعات، وبعدين بنضرب النسبة دي في 365 يوم، اللي بيسمح لنا نشوف النسبة من ناحية الأيام.
- Advertisement -
مثال – أيام المخزون المعلقة (DIO)
هناخد مثال سهل عشان نوضح أكتر. شركة “Zing” عندها مخزون بقيمة 60 ألف دولار، وتكلفة المبيعات 300 ألف دولار، احسب أيام المخزون المعلقة للشركة. كل اللي علينا إننا نحط الأرقام في المعادلة:
- معادلة أيام المخزون المعلقة (DIO) = المخزون / تكلفة المبيعات * 365
- = 60.000 دولار / 300.000 دولار * 365
- = 1 / 5 * 365 = 73 يوم.
ده معناه إن تحويل المواد الخام لنقدية بياخد 73 يوم لشركة “Zing”.
ازاي تفسر أيام المخزون المعلقة (DIO) كمستثمر؟
قبل أي حاجة الـ “Days Inventory Outstanding” هي قياس لأداء الشركة في إدارة المخزون، فلو كانت قيمة “DIO” منخفضة في شركة معينة، ده معناه حاجتين:
- أولا، القيمة المنخفضة معناها إن الشركة استخدمت المخزون بكفاءة.
- ثانياً، القيمة المنخفضة ممكن تكون معناها إن الشركة مش بتخزن المخزون بناءًا على الطلب المطلوب، أو إن الشركة بتقلل قيمة المخزون.
من ناحية تانية، لازم نشوف كمان أيام المخزون المعلقة العالية، القيم المرتفعة لـ”Days Inventory Outstanding” معناها حاجتين هي كمان:
- القيم المرتفعة معناها إن الشركة مش قادرة تحوّل المخزون لمبيعات بسرعة.
- وممكن يكون معناها إن الشركة بتحتفظ بمخزون قديم أو ملوش فايدة.
بما إن أيام المخزون المعلقة “DIO” المنخفضة والمرتفعة مش بتتفسر لوحدها، المستثمر لازم يتبع خطوات لتفسير القيم المنخفضة أو المرتفعة لـ “DIO”:
- الأول المستثمر لازم يشوف الشركات التانية في نفس الصناعة عشان يعرف إذا كانت الـ “DIO” مرتفعة أو منخفضة في حالة الشركات التانية في نفس الصناعة، لو كانت الإجابة نعم، بيتم الانتقال للخطوة التانية، ولو مش كانت كدا، لازم المستثمر يشوف مؤشرات مالية تانية للشركة دي الأول.
- لو الخطوة الأولى جابت نتيجة ايجابية، لازم المستثمر يشوف شركات تانية في صناعة مختلفة للتأكد، ممكن المستثمر يجمع معلومات عن شركات تانية في صناعات مختلفة وبعدين يحسب الـ “DIO” عشان يعرف اذا كانت الشركات في الصناعات التانية بتدي نفس النتائج ولا لأ.
- الهدف من كل ده هو التأكد من لو كانت الشركة في صناعة معينة بتقوم بشغل كويس ولا لأ، النظر لشركات مختلفة في نفس الصناعة وشركات مختلفة في صناعات مختلفة هيدي رؤية شاملة للمستثمر.
- أخيرا، لازم المستثمر يشوف المؤشرات المالية لدورة تحويل النقدية وكمان المؤشرات والنسب المالية التانية للشركة اللي عايز يستسمر فيها.
ايه هي البيانات اللي لازم نشوفها لمعرفة أيام المخزون المعلقة؟
لو أنت مستثمر جديد صعب عليك تعرف المخزون وتكلفة المبيعات (أو تكلفة البضاعة المباعة)، عشان كدا من المهم إنك تعرف بعض البيانات عن أيام المخزون المعلقة.
- وقت حساب الـ”DIO”، بنعتمد على المخزون النهائي، أو ممكن كمان ناخد متوسط المخزون في بداية الفترة والمخزون في نهاية الفترة، وعشان نعرف المتوسط كل اللي عليك إنك تعمله هو جمع المخزون في البداية والمخزون في النهاية وبعدين نقسم المجموع على اتنين، وعشان نعرف المخزون (المتوسط أو النهائي)، هنحتاج نشوف الميزانية العمومية، هتلاقي حاجة زي “المخزون الختامي” في الميزانية.
- بالنسبة لتكلفة المبيعات، لازم تشوف قائمة الدخل للشركة وبعدين لازم تشوف العمود تحت “المبيعات”، هتلاقي بند “تكلفة البضاعة المباعة”، الفرق بين المبيعات وتكلفة البضاعة المباعة هو إجمالي الربح.
استخدم القيمتين دول في المعادلة، وهيكون عندك أيام المخزون المعلقة “DIO” للشركة.
أمثلة عملية علي أيام المخزون المعلقة (DIO)
هناخد كام مثال توضيحي علي الـ (DIO) في القطاعات المختلفة.
قطاع الطيران – Airlines Sector
معانا قايمة لأيام المخزون لأفضل الشركات في قطاع الطيران، بقيمتها السوقية وأيام المخزون المعلقة:
| الشركة | القيمة السوقية (مليار دولار) | أيام المخزون المعلقة |
|---|---|---|
| American Airlines Group | 24,614 | 22.43 |
| Alaska Air Group | 9,006 | 9.37 |
| Azul | 7,283 | 6.73 |
| China Eastern Airlines | 9,528 | 17.15 |
| Copa Holdings | 5,788 | 20.55 |
| Delta Air Lines | 39,748 | 18.18 |
| Gol Intelligent Airlines | 21,975 | 11.08 |
| JetBlue Airways | 6,923 | 7.89 |
| LATAM Airlines Group | 8,459 | 12.21 |
| Southwest Airlines | 39,116 | 19.29 |
| Ryanair Holdings | 25,195 | 0.33 |
| United Continental Holdings | 19,088 | 23.33 |
| China Southern Airlines | 9,882 | 6.97 |
- أيام المخزون في قطاع الخطوط الجوية أقل من شهر واحد لمعظم الشركات.
- شركة “Ryanair Holdings” عندها أقل عدد أيام للمخزون المعلق وهو 0.33 يوم، وشركة “United Continental Holding” عندها أيام مخزون معلق حوالي 23.33 يوم.
قطاع السيارات – Automobile Sector
دي قايمة بأفضل الشركات في قطاع السيارات:
| الشركة | القيمة السوقية (مليار دولار) | أيام المخزون المعلقة |
|---|---|---|
| Ford Motor | 50,409 | 24.82 |
| Fiat Chrysler Automobiles | 35,441 | 43.65 |
| General Motors | 60,353 | 34.65 |
| Honda Motor Co | 60,978 | 43.38 |
| Ferrari | 25,887 | 69.47 |
| Toyota Motor | 186,374 | 34.47 |
| Tesla | 55,647 | 113.04 |
| Tata Motors | 22,107 | 76.39 |
محلات الخصم – Discount Stores
معانا قايمة بأفضل الشركات في محلات التخفيضات والقيمة السوقية وأيام المخزون المعلقة:
| الشركة | القيمة السوقية (مليار دولار) | أيام المخزون المعلقة |
|---|---|---|
| Burlington Stores | 8,049 | 82.21 |
| Costco Wholesale | 82,712 | 30.67 |
| Dollar General | 25,011 | 76.02 |
| Dollar Tree Stores | 25,884 | 73.27 |
| Target | 34,821 | 63.15 |
| Wal-Mart Stores | 292,683 | 44.21 |
- شركة “Burlington Stores” عندها أعلى أيام مخزون معلق وهو 82.21 يوم، ومحلات “Wal-Mart” هي 44.21 يوم.
قطاع النفط والغاز – Oil & Gas Sector
قايمة بأفضل الشركات في قطاع النفط والغاز، والقيمة السوقية وأيام المخزون المعلقة:
| الشركة | القيمة السوقية (مليار دولار) | أيام المخزون المعلقة |
|---|---|---|
| ConocoPhillips | 62,980 | 24.96 |
| CNOOC | 62,243 | 77.13 |
| EOG Resources | 58,649 | 88.81 |
| Occidental Petroleum | 54,256 | 65.14 |
| Canadian Natural | 41,130 | 32.19 |
| Pioneer Natural Resources | 27,260 | 26.50 |
| Anadarko Petroleum | 27,024 | 33.29 |
| Continental Resources | 18,141 | 84.91 |
| Apache | 15,333 | 112.69 |
| Hess | 13,778 | 43.29 |
- بتتنوع أيام المخزون المعلقة في قطاع النفط والغاز، من ناحية تانية شركة “Apache” عندها أيام مخزون قريب من 4 شهور، شركة “ConocoPhillips” عندها أيام مخزون أقل من شهر واحد.
حالة رأس المال العامل
كصاحب استثمارات، لازم تشوف الشركة فيها رأس المال العامل اللي لازمها في أي وقت، وعشان تعمل كدة ممكن تشوف عدد الأيام اللي المخزون بيقعد فيها قبل ما يتحول لنقدية (DIO).
- لو الأيام بتقل، يبقى المخزون بيتحول لنقدية بسرعة أكتر، يعني الشركة هتكون عندها فلوس أكتر (عشان الأيام بتقل)، ونتيجة لكده رأس المال العامل للشركة هيزيد.
- لو الأيام بتزيد، يبقى المخزون بياخد وقت أكتر عشان يتحول لنقدية، فبالتالي الشركة هيكون عندها فلوس أقل، يعني وضع رأس المال العامل للشركة هيكون صعب.
مهم: معادلة الأيام في المخزون – ازاي نعرف عدد الأيام لتحويل المخزون لمبيعات؟
في النهاية
بكل بساطة أيام المخزون المعلقة (DIO) هي مدة الوقت اللي المنتجات بتقعد في المخزن قبل ما تتباع. لو قللنا الوقت ده، هنخفض فلوس محتجزة في المخزون. الفلوس دي ممكن نستخدمها في حاجات تانية زي تطوير المنتجات أو مساعدة الشركة تنمو. وعلاوة على كده، لما تبقى دورة المخزون سريعة، نقدر نلبي طلبات العملاء بسرعة. ده بيبقى حلو للشركة وللعملاء، وبيساهم في زيادة الفلوس اللي بيدخلوا.
